Kahpwal kan kak kamwoaroseikitailla, ahpw mehlel ma e kin mihmi werei. Depit ese me eh kahpwalo me pid Nanmwarki Sohl pahn kedekedeo imwisekla oh me e pahn nanmwarkihla, duwehte me Siohwa ketin inoukihda. (1Sa 16:13) En Depit pwoson sewese ih en kanengamah oh awiawihete Siohwa.

Ni atail kin mi pahn kahpwal, mweinele kitail pahn kakete doadoahngki atail loalokong de koahiek en madamadau pwehn kamwahwihala irairo. (1Sa 21:12-14; Lep 1:4) Ahpw, ekei kahpwal pahn mihmihte mwurin atail wiahier soahng koaros me kitail kak me pahrekiong kaweid en Paipel kan. Nan soangen irair pwukat, kitail anahne kanengamah oh awiawihete Siohwa. Ni ahnsou keren, e pahn ketin kaimwisekala atail lokolok koaros oh ‘limwihasang pilen masatail kan koaros.’ (Kau 21:4) Mehnda ma atail kahpwal kan sohla pwehki dahme Siohwa ketin wia de pwehki kahrepe teikan, ehu mehkot me likilik: Kahpwal koaros pahn imwisekla ehu rahn. Ire mehlel wet kak ekis kansenamwahwih kitail.

KILANG KISIN KASDO A UNITED PEOPLE IN A DIVIDED WORLD, OH MWURI SAPENGALA PEIDEK PWUKAT:

• Soangen kahpwal dah kan me ekei Kristian kan nan palieir en Wehin Amerika lelohng?

• Ia duwen ar kasalehda kanengamah oh limpoak?

• Ia duwen ar pousehlahte medemedewe “dahme keieu kesempwal”?​—Pil 1:10