Irail kante me ahneki tiahk mwakelekel kak ahneki nanpwungmwahu keren rehn Siohwa. (1Pi 1:14-16) Ni tohnsukuhl en Paipel kan ar powehdi tiahk samin kan, re pil kak ahneki peneinei nsenamwahu, roson mwahu oh sohla apwal en mwohni.

Kawehwehda sapwellimen Siohwa koasoandi me pid tiahk kan ni sansal, kahrepen koasoandi pwukat oh kamwahupen kapwaiada mepwukat. Nantihong sewese irail en wekidala ar elen madamadau oh re ahpw pahn kakehr kapwaiada dahme Siohwa kin ketin kupwurki. (Ep 4:22-24) Kamehlelehiong irail me sang ni sapwellimen Siohwa sawas re kak powehdi tiahk samin kan me re ahnla wia. (Pil 4:13) Padahkihong irail en kin kapakapohng Siohwa ni ngidingid ni ineng en wiahda dihp eh kin lel irail. Sewese irail en ese kasawihda irair kan me pahn kasonge irail oh soikala mepwukat. Kangoange irail en wiliankihdi tiahk samin kan wiewia mwahu kan. Ke pahn perenkihda ni omw kilang noumw tohnsukuhl en Paipel kan ar wiahda wekidekla kan sang ni sapwellimen Siohwa sawas.

KILANG KISIN KASDO HELP YOUR BIBLE STUDENTS TO OVERCOME UNCLEAN HABITS, OH MWURI SAPENGALA PEIDEK PWUKAT:

• Ia duwen elder kan oh Neeta ar kasalehda me re koapworopworki Jade?

• Ia duwen Neeta eh pwurehng sewese Jade?

• Ia duwen Jade eh rapahki sawas sang Siohwa?