MOMOUR NIN DUWEN KRISTIAN KEI
Ia Duwen Omw Kak Sawas Mwurin Kahpwal Eh Wiawi
Kahpwal kan en melimel, rerrer en sahpw de ilok laud ape kin kalapw wiawi rahnpwukat. Ni kahpwal eh pwarada, sawas kan me pahn kohda kin anahne koasoandi mwahu. Pwehki met, Pwihn me Kin Apwalih Mwomwohdiso nan Sampah Pwon koasoanehdi Disaster Relief Department en wiawihda nan ehuehu ohpis en Sounkadehdehn Siohwa kan.
Ni ahnsou me brother kan nan pali wet kin esehda kahpwal ehu, re kin mwadangete koasoiong elder kan nan sahpwo pwe ren diarada dahme sounkalohk kan pahn anahne. Ma kahpwalo nohn laud oh sounkalohk kan wasao sohte kak pein apwalihala, ohpis pahn idihada brother koahiek kan ren tiengla mwowe nan doadoahk wet. Brother ko mweinele pahn peki sounsawas kan de sawas en mwohni ong mehkot ehu, de re pahn pwainda oh nehkpeseng dahme anahn nan sahpwo.
Mie soahng mwahu tohto me kak apwalihala mwekid pwukat. Met kak soikala doadoahk kan me sohte anahne wiawi, sawehwe oh kauwehla mwahl mwohni oh dipwisoun doadoahk kan me kin wiawi ni brother kan ar pein wiahda ar koasoandi.
Brother kan me idihdida sang ohpis kak koasoanehdi uwen mwohni me anahn oh uwen tohtohn tohndoadoahk kan ong doadoahk wet. Re pil kak koasoiong kaun kan en wasao me kak sewese kamwadangahla atail doadoahko. Eri emenemen en dehr pein kihpene mwohni, kadarala sawas de seiloakla wasa me kahpwalo wiawi ie ma sohte mweimwei kowohng irail en wia met.
Ahpw, kitail kin men sawas ni kahpwal eh wiawi. (Ipr 13:16) Kitail poakepoake riatail kan! Dahme kitail kak wia? Me keieu kesempwal, kitail kak kapakapki irail kan me lelohng kahpwal oh irail kan me kin kihda sawas. Kitail pil kak kihda sawas en mwohni ong doadoahk en sampah pwon. Sang pahn kaweidpen Pwihn me Kin Apwalih Mwomwohdiso nan Sampah Pwon, ohpis en Sounkadehdehn Siohwa kan me kin keieu ese wasa me mwohni pwukat uhdahn pahn sawas ie. Oh ma kitail men iang kohla sawas, kitail kak audehda doaropwehn Local Design/Construction Volunteer Application (DC-50).
KILANG KISIN KASDO DEVASTATING FLOODING IN BRAZIL, OH MWURI SAPENGALA PEIDEK WET:
Dahme ke perenki duwen sawas me Sounkadehdehn Siohwa kan kihda mwurin lapake me wiawi nan Brazil nan pahr 2020?
