April 29–May 5
MELKAHKA 34-35
Koul 10 oh Kapakap | Tepin Koasoi kan (minit 1)
1. “Kapinga Siohwa Ahnsou Koaros”
(minit10)
Depit kin kapinga Siohwa pil ni ahnsou me e kin lelohng kahpwal kan (Me 34:1; w07 6/1 14 par. 11)
Depit kin suweiki Siohwa, a kaidehn pein ih (Me 34:2-4; w07 6/1 14 par. 13)
En Depit kaping kan kin kakehlakahda ienge kan (Me 34:5; w07 6/1 15 par. 15)
Mwurin Depit eh kohkohsang Apimelek, ohl 400 me sapwungki en Nanmwarki Sohl kaundao, iangala Depit nan sapwtehn. (1Sa 22:1, 2) Ele Depit kin medemedewe ohl pwukat ni eh ntingihada melkahka wet.—Me 34, nting kan me mi pohn irelaudo.
PEIN IDEK REHMW, ‘Ia duwen ei kak kapinga Siohwa ni ei pahn koasoiong emen ni mihting en mwomwohdiso?’
2. Ire Kesempwal kan
(minit 10)
-
Me 35:19, NW—Ia wehwehn en Depit eh peki rehn Siohwa en dehr ketin mweidohng irail me kailongki ih “ren manih”? (w06 5/1 31 par. 2)
-
Ire kesempwal dah kan sang wadawad en Paipel en wihket me ke men ehukihong meteikan?
3. Wadawad en Paipel
(minit 4) Me 34:1-22 (th mehn onop 5)
4. Tepida Koasoiong Emen
(minit 2) KALOHK NI AHNSOU SOHTE LIPILIPIL. Koasoakoasoipeneo uhdi mwohn omw kak tepida kalohk. (lmd iren mehn kasukuhl 1 ire 4)
5. Pwurehng Koasoipene
(minit 4) KALOHK NI AHNSOU SOHTE LIPILIPIL. (lmd iren mehn kasukuhl 2 ire 4)
6. Kawehwehda Dahme Ke Kin Kamehlele
(minit 5) Kamwomwada. ijwfq-E 59—Oaralap: Ia duwen Sounkadehdehn Siohwa kan Ar Kin Pilada Ma E Konehng en Kasarawi Holiday Ehu? (th mehn onop 17)
Koul 59
7. Ahl Siluh en Kapinga Siohwa ni Mihting kan
(minit 15) Padahk oh koasoiapene.
Mihting en mwomwohdiso kan kin kihda ahnsou mwahu en kapinga Siohwa. Iet ahl siluh kan.
Koasoi kan: Koasoia duwen sapwellimen Siohwa kupwuramwahu ni omw koasoiong meteikan. (Me 145:1, 7) Ia duwe, ke kin rong de wadek duwen ire ehu me ke paiekihda? Mie mehkot me wiawi nan kalohk me ke perenkihda? Ke alehdi kangoang sang emen ni eh koasoi oh wiewia kan? Mie mehkot nan kapikipik me ke perenkihda? Soahng pwukat koaros wia kisakis kei sang rehn Siohwa. (Sei 1:17) Eri mwadangala ni mihting kan minit kei mwowe pwe ken ahneki ahnsou mwahu en koasoiong meteikan.
Pasapeng kan: Song en pil pasapeng erein ehuehu mihting. (Me 26:12) Ke kak wia pasapeng me pahn sapengala peideko de pasapeng me pahn pidada iren Paipel ehu, kilelo, de ia duwen omw pahn doadoahngki ireo. Pwehki meteikan pahn men kihda pehrail kan ni ahnsowohte me ke kihda pehmwen, eri kaunopada ekei pasapeng kan. Me tohto pahn kak iang “patohwanohng Koht meirong en kaping” ma kitail pahn pasapengki seken 30 de mwotomwotsang.—Ipr 13:15.
Koul kan: Koulki koulen Wehio kan. (Me 147:1) Ele edomwen sohte pahn likwerda ni mihting koaros, ahpw mehlel nan mwomwohdiso laud ehu, ahpw ke kak iang koul ahnsou koaros. Mehnda ma ke medewe me ke sehse koul, ahpw ni omw wia uwen omw kak koaros, ke kak kamehlele me ke kaperenda Siohwa! (2Ko 8:12) Ke kak kaunopada ni omw kin praktiski koul kan ni imwomwo.
Kilang KISIN KASDO Our History in Motion—The Gift of Song, Part 1. Mwuri idek rehn me rongorong kan:
Sangete nin tapio, ia duwen atail pwihn eh kin kasalehda me koulki koulen kaping ong Siohwa kin kesempwal?
8. Onop en Paipel en Mwomwohdiso
(minit 30) bt irelaud 9 par. 1-7, audepen pali 3, oh koakon nan pali 70
