Pwehki kitail sohte unsek, ahnsou koaros kitail kin anahne nantihong kaunda atail ineng kan. Ma kitail wia nsenatail, Siohwa pahn kakete sohla kupwurperenkin kitail. Karasepe, ekei kin mweidohng ar poakohng mwenge, likou oh ihmw en laudsang ar poakohng Koht. Ekei kin kaitarala ar ineng en wia nsenen pwopwoud ni ahl me kin uhwong kupwuren Koht. (Ro 1:26, 27) Pil ekei kin lohdi pahn kasongosong en iangarail kan pwehki re men iangarail kan en pwungkin irail.​—Eks 23:2.

Ia duwen atail kak kaukaule kaunda atail ineng kan? Kitail anahne wia uwen atail kak en medemedewehte dahme pahn kaperenda kupwuren Siohwa. (Md 4:4) Oh pil, kitail anahne peki Siohwa en ketin sewese kitail en kaunda atail ineng kan. Dahme kahrehda? Pwehki e ketin mwahngih dahme keieu mwahu ong kitail oh ia duwen eh pahn ketin kaitarala atail ineng konehng kan.​—Me 145:16.

KILANG KISIN KASDO DON’T LET YOUR LIFE GO UP IN SMOKE, OH MWURI SAPENGALA PEIDEK PWUKAT:

• Dahme kahrehda ekei aramas kin sumwoak?

• Dahme sumwoak kak wiahiong uhk?

• Dahme kahrehda sumwoak oh vaping sapwung?​—2Ko 7:1

• Ia duwen omw kak nda soh de pil uhdihsang sumwoak?