Ni imwin koasoandi wet eh kerendohr, kitail kasik me tiahk en uhwong, pwihn mwersuwed oh mahwen pahn laudla. (Kau 6:4) Ia duwen atail kak onopadahng kahpwal kan ni ahnsou kohkohdo?

• Kaunopada pwe ken lelepekte: Rapahki kaweid oh koasoipen Paipel kan me kak kakehlaka omw likih Siohwa oh sapwellime pwihn oh me kak seweseiuk kolokolete soupoupali. (Lep 12:5; jr-E 125-126 par. 23-24) Met ahnsou mwahu en kakehlaka omw nanpwungmwahu rehn riomw kan nan mwomwohdiso.​—1Pi 4:7, 8

• Kaunopada omw anahn en war kan: Koasoanehdi wasa me ke pahn rukula ie oh uwen kepwe me ke pahn anahne. Oh pil ma ke anahne tangasang ni imwomw, koasoanehdi wasa me ke pahn tenge ie. Tehk dahme mi nan omw kopwou en ahnsou karuwaru (go bag), oh pil mehn perehre kan oh mwohni. Ese ia duwen omw pahn alehdi elder kan oh pil tehk ma re ese ia duwen ar pahn aleiukedi ni ahnsou karuwaru kan.​—Ais 32:2; g17.5-E 3-7

Ahnsou me uhwong kan wiawi, kolokolete omw koasoandien kaudok. (Pil 1:10) Dehr keseuseli, ihte ma ke anahnte tang. (Md 10:16) Ehukihong meteikan konomw mwenge oh anahn teikan.​—Ro 12:13.

KILANG KISIN KASDO ARE YOU PREPARED FOR A DISASTER? OH MWURI SAPENGALA PEIDEK PWUKAT:

• Ia duwen Siohwa eh kak ketin sewese kitail nan ahnsou apwal akan?

• Soahng dah kan me kitail kak wia pwehn onopada?

• Ia duwen atail kak sewese meteikan me lelohng kahpwal kan?