Nan sapwellimen Sises kalohk, e kin ketin doadoahngki soahng kan me wiawi pwehn padahngki ire kesempwal kan. (Lu 13:1-5) Ke pil kak doadoahngki dahme kin wiawi rahnpwukat pwe ken kamwakid aramas en men rong rongen Wehio. Mwurin omw koasoia pweilaudlahn kepwe, kahpwal, uhwong, mehn kasahliel de mehkot me duwehte mepwukat, idek peidek me pahn kamwakid aramaso. Ke kak idek: “Ke medewe me kahpwal en . . . pahn kak sohla wiawi?” de “Ke medewe mie mehkot kak kamwahwihala kahpwal en . . . ?” Mwuri, ehukihong ih iren Paipel me pidada ireo. Ma aramaso perenki rong, kasalehiong ih kisin kasdo ehu de ehu sawasepen Paipel nan neitail Koakon en Kasukuhl. Kitail en “wia soahng koaros pwehki rongamwahwo,” ni atail nantihong kamwakid mohngiong en aramas akan.​—1Ko 9:22, 23.

Dahme aramas akan nan atail wasahn kalohk pahn perenki rong?