MOMOUR NIN DUWEN KRISTIAN KEI
Siohwa Kin Ketin Mwahngih Dahme Kitail Kin Anahne
Ladu lelepek oh loalokong eh kin kihong kitail mwenge “ni ahnsou me konehng,” kin kasalehda me Siohwa, me ketin kaukaweid laduwo, ketin mwahngih dahme kitail kin anahne. (Md 24:45) Nanpwungen soahng teikan, atail mihting tohrohr kan (regional conventions) oh mihting en nan wihk kan kin kadehdehda duwen met.
KILANG KISIN KASDO 2017 TEACHING COMMITTEE REPORT, OH MWURI SAPENGALA PEIDEK PWUKAT:
-
Ihs me pahn uhdahn ale kaping ong atail mihting tohrohr kan me kitail kin iang oh dahme kahrehda?
-
Iahd me doadoahk en kaunopada ong mihting tohrohr kin tepida?
-
Ia duwen oaralap kan en mihting tohrohro ar kin pilipilda?
-
Doadoahk dah me kin pidada kaunopadahn mihting tohrohr kan?
-
Ia duwen wiepen onop kan me re kin sukuhlki nan Kilead eh kin kadoadoahk pwehn wiahda soahng kan me kitail kin onopki nan mihting en nan wihk kan?
-
Ia duwen soangsoangen ohpis kan ar kin doadoahkpene pwehn kaunopada doaropwehn kasukuhl ong mihting?
Ia omw pepehm ong soahng kan me Siohwa kin ketikihong kitail pwehn kolokol atail pwoson kehlail?
