Tuhpenehn kalohk kan kin duwehte mihting en mwomwohdiso koaros me Siohwa kin ketikihda pwe kitail en kak kangoange emenemen en kasalepene limpoak oh wiewia mwahu kan. (Ipr 10:24, 25) Tuhpenehn kalohk pahn reireiki minit limau lel isuh me kin iangahki koasoanehdi pwihn, koasoanehdi wasahn kalohk oh kapakap. (Ma e wiawi mwurin ehu mihting, tuhpene wet uhdahn anahne mwotomwot.) Me kihpeseng pwihno pahn anahne kaunopada mehkot ehu me pahn katapan ong irail kan me iang kalohk rahno. Karasepe Rahn Kaunop, pwehki me tohto sohte kin iang kalohk erein wihko ele e pahn konehng en koasoiapene dahme kitail kak koasoiaiong tohnihmw kan. Ia pil ekei ire teikan me ele e pahn mwahu en koasoiapene?

• Iren sawas ong koasoakoasoipene sang nan Atail Mour en Kristian oh Kalohk​—Doaropwehn Kasukuhl ong Mihting

• Ia duwen omw pahn tapiada omw koasoi ni omw koasoia mehkot me ahpwtehn wiawi de rohng kan

• Ia duwen omw pahn sapeng uhwong ehu me kin kalapw wiawi

• Ia duwen omw pahn sapeng emen me sohte kamehlele me mie Koht, me kin kamehlele me mour pein miehla, emen me kin lokaiahki ehu lokaia tohrohr de aramas emen me iang pelien lamalam ehu me sohte mie nan omw wasahn kalohk

• Ia duwen omw pahn doadoahngki dahme mi nan jw.org, JW Library^® app de Paipel

• Ia duwen pahn doadoahngki ehu mehn doadoahk nan Koakon en Kasukuhl

• Ia duwen omw pahn iang soangen wiepen kalohk ehu, duwehte delepwohn, nting kisinlikou, kalohk nan wehipokon, pwurehng pwurala de onop Paipel

• Mehn kataman kan duwen tetehk soahng keper kan, kak wekidala omw koasoandi, tiahk mwahu, ahneki madamadau pwung de mehkot me pahn duwehte

• Iren mehn kasukuhl ehu de kisin kasdo sang nan kisin pwuhko Nantihong Omw Pwukoahn Wadawad oh Padahk

• Ia duwen omw pahn kangoange oh sewese iengomw sounkalohko

• Iren Paipel ehu me dokedoke kalohk de ekspiriens kangoang ehu nan kalohk