En sister kan sawas kin kesempwal ong doadoahk en Wehio. (Me 68:11) Re kin wia onop en Paipel tohto oh pali laud en pioneer kan iei sister kei. Sister kid kei kin iang doadoahk laud nan Pedel, wia misineri kei, iang doadoahk en kou ihmw nan arail wasa de wasa teikan oh wia sounkawehwe kei. Sister koahiek kan kin kangoange arail peneinei oh mwomwohdiso. (Lep 14:1) Mendahki sister kan sohte kak wia elder de sounsawas kei, re kak wiahda ar mehn akadei nan mwomwohdiso. Ma kowe sister men, ia ekei soahng kan me ke kak wia pwe ken kalaudehla omw papah Siohwa?

• Kakairada irair en Kristian kan.​—1Ti 3:11; 1Pi 3:3-6

• Sewese sister kan nan mwomwohdiso me sohte nohn koahiek.​—Tit 2:3-5

• Song doadoahngki pali laud en omw ahnsou nan kalohk oh koahiekla nan kalohk

• Sukuhlki ehu lokaia

• Keseula wasa me mie anahn laud

• Audehda doaropwehn iang doadoahk nan Pedel de iang sawas en kauwada wasahn kaudok de ohpis kan

• Audehda doaropwehn iang Sukuhl ong Sounkalohki Wehio kan

KILANG KISIN KASDO “WOMEN WHO ARE WORKING HARD IN THE LORD,” OH MWURI SAPENGALA PEIDEK PWUKAT:

• Ia duwen en sister ko koasoi ko ar kangoangeiuk?