Nan Pereperenki Mour Kohkohlahte!, ke kin perenki doadoahngki kisin kasdo oh peidek kan? Ia duwen soahng kan me duwehte “Ekei Aramas Kin Nda,” “Dahme ke kak wia” oh “Pil Tehk”? Mehn sawas dah kan me kak seweseiuk ni omw wia doadoahk en katohnpadahk?​—Md 28:19, 20.

Kasdo oh Ire kan: Ma ke men wia onop en Paipel ni omw doadoahngki pwuhko, ia duwen omw kak alehdi kisin kasdo koaros oh soahng teikan nan wasa tehkis? Pwuhk me mi nan device, pilada ehu rehn pali pahieu ko. Pahnangin irekidien oaralap kan, ke kak pilada kisin kasdo oh ire kan koaros. (Kilang kilel 1.)

“Printed Edition”: Ma ke kin onop rehn emen ni omw doadoahngki device ehu, mwein e pahn sawas ma ke doadoahngki wasa me nda “Printed Edition” ekei pak erein onopo. Nan iren mehn kasukuhlo, padik pohn dot siluh nan toolbar keieu powe oh pilada “Printed Edition.” Mwohmw wet kak seweseiuk ken tamataman ia duwen ire me ke koasoakoasoia eh pidada oaralap en iren mehn kasukuhlo pwon. Ma ke men pwuralahng digital edition, pwurehng padik pohn dot siluh ko oh pilada “Digital Edition.”

“I Onopadahr?”: Koakon pwukat mi ni imwin pwuhko, e kin kasalehda koasoandi kan me emen anahne kapwaiada pwe en kak iang mwomwohdiso kalohk oh papidaisla. (Kilang kilel 2.)

Oaritik kan: Oaritik kan kin kasalehda oaritikpen ire kesempwal ehu. Pwuhk me mi nan device kin mie link ni ehuehu imwin oaritik kan me pahn kapwureiukalahng wasa me ke uhdi nan iren mehn kasukuhlo. (Kilang kilel 2.)