Ehu ahl me pahpa nohno kan en kak sewese neirail seri kan ren alehdi erpit en Koht iei sang ar sewese irail en paiekihda mihting en Kristian kan. Dahme irail me pwulopwul kan kin kilang, rong oh nda nan arail pasapeng kan ni mihting kan kak sewese irail en sukuhlki duwen Siohwa oh wiahkihla ih kompoakparail keren men. (De 31:​12, 13) Ma kowe pahpa de nohno men, ia duwen omw kak sewese noumw serio en uhdahn paiekihda mihting kan?

• Wia uwen omw kak en iang towehda mihting kan nan Wasahn Kaudok.—Me 22:22

• Tehk pwe en mie omw ahnsoun patehng riomw Kristian kan nan Wasahn Kaudok, mwohn oh mwurin mihting kan.—Ipr 10:25

• Tehk pwe en mie nein emenemen tohnpeneinei neirail sawasepen Paipel kan me pahn kadoadoahk nan mihting kan, sohte lipilipil ma mi nan tablet de cell de me print

• Sewese noumw seri kan en kaunopada arail pasapeng ni pein arail lokaia.—Md 21:​15, 16

• Koasoia soahng mwahu kan duwen mihting kan oh kaweid kan me ke sukuhlkihdi wasao

• Sewese noumw seri kan ren iang wia soahng kan me duwehte kamwakele Wasahn Kaudok oh koasoiong me mah kan nan mwomwohdiso

E kin doadoahk laud en sewese noumw seri kan en karanihala Siohwa, oh ekei pak e kin mwomwen uhdahn apwal. Ahpw, ke kak kamehlele me Siohwa pahn ketin seweseiuk.—Ais 40:29.

KILANG KISIN KASDO AS PARENTS, RELY ON JEHOVAH AND HIS STRENGTH, OH MWURI SAPENGALA PEIDEK PWUKAT:

• Dahme pepehm en pwangada kin wiahiong Zack oh Leah?

  Omw pasapeng

• Dahme kahrehda pahpa nohno kan anahne sohpeiong Siohwa en ketin kakehlaka irail?

  Omw pasapeng

• Ni ahl dah kei me Zack oh Leah kin koapworopworki Siohwa en ketin sewese ira?

  Omw pasapeng