SISES mahsanih: “Kihwei kin kaperen sang ale.” (Wiewia 20:35) Ire mehlel wet kin dokedoke atail nanpwungmwahu rehn Siohwa. Dahme kahrehda? Siohwa ketikihong kitail kisakis tohto me kin kahrehda kitail en peren, ahpw kitail kak ahneki peren laudsang met sang ni atail patohwanohng Siohwa kisakis ehu. Kisakis dahieu me kitail kak patohwanohng Siohwa? Lepin Padahk 3:9 (NW) mahsanih: “Wauneki Siohwa ni omw pahn meirongkihong omw dipwisou kesempwal kan.” Atail “dipwisou kesempwal kan” kin pidada atail ahnsou, koahiek, kehl, oh kepwe kan. Ni atail kin doadoahngki mepwukat pwehn utung kaudok mehlel, kitail kin patohwanohng Siohwa kisakis ehu, oh atail wia met kin wahdo peren laud.

Me pid atail kepwe kan, dahme pahn sewese kitail en dehr pohnsehsehla patohwanohng Siohwa atail kisakis? Wahnpoaron Pohl ndaiong mehn Korint kan en “katohrehla mehkot” nin duwen sawas ehu me ren toukihda. (1 Korint 16:2) Dahme ke kak wia ma ke men kalaudehla omw ese duwen wiepe kan en toukihda mwohni? Menlau kilang koakon me mi pah.

Kihda sawas en mwohni online sohte kin kak wiawi nan sahpw koaros. Ahpw, mie iren sawas kan ong ahl teikan en kihda sawas me kak dierek nan web page ong kihda sawas en mwohni. Nan ekei sahpw, mie mehn sawas ehu nan page wet me kin kihda pasapengpen peidek kan me me tohto kin peidengki me pid kihda sawas en mwohni.