KAHN IROIR (ONG ONOP) June 2020
Kahn Iroir wet audaudki iren onop kan ong August 3-30, 2020.
“Mwaromwi en Sarawihla”
Iren onop 23: August 3-9, 2020. Ire dahieu me kesempwal ong aramas akan oh tohnleng kan? Dahme kahrehda ire wet uhdahn kesempwal, oh ia duwen atail iang pidada pwehn kapwungala? Atail wehwehki pasapengpen peidek pwukat oh peidek teikan me pidada met pahn sewese kitail en kakehlakahda atail nanpwungmwahu rehn Siohwa.
“Ketikihong Ie Mohngiong Tehieu Pwehn Kin Lemmwiki Mwaromwi”
Iren onop 24: August 10-16, 2020. Nan iren onop wet, kitail pahn koasoiapene ahn Nanmwarki Depit kapakapo me kileldi nan Melkahka 86:11, 12. Ia wehwehn en lemmwiki mwaren Siohwa? Dahme kahrehda kitail anahne wauneki mwar lapalap wet? Oh ia duwen atail lemmwiki Koht eh kak pere kitail pwehn dehr lohdiong kasongosong kan?
Peidek kan Sang Sounwadawad kan
Ia duwe, “wahn sapwellimen Koht manaman” kin pidadahte irair kaselel kan me kileldi nan Kalesia 5:22, 23?
“Pein Ngehi Pahn Rapahki Nei Sihpw kan”
Iren onop 25: August 17-23, 2020. Dahme kahrehda ekei me kin papah Siohwa ni lelepek erein sounpar tohto uhdihsang arail werekiong mwomwohdiso? Ia sapwellimen Koht pepehm ong irail? Iren onop wet pahn sapengala peidek pwukat. E pil pahn koasoia dahme kitail kak sukuhlkihsang mwomwen Siohwa eh ketin sewese ekei nan Paipel me uhdihsang papah ih erein ahnsou ehu.
‘Pwurodo Rehi’
Iren onop 26: August 24-30, 2020. Siohwa ketin kupwurki irail kan me sohla iang kalohk oh mihting en pwurala reh. Mie soahng tohto me kitail kak wia pwehn kangoange irail kan me men ale sapwellimen Siohwa luhk: “Kumwail pwurodohng rehi.” Nan iren onop wet, kitail pahn koasoiapene ia duwen atail kak sewese irail en wia met.
