Kitail kin kalapw kilang aramas akan me kin kailongki meteikan me kohsang ehu sahpw, keinek de pwehki irail wia ohl me mwahuki ohl de lih me mwahuki lih. Pwehki met, koperment tohto kauwada kosonned kan me pahn kaloke aramas emen me wiahda mehkot suwed sang ni kailok.

Kailok kin kahrehda kailok. Aramas me kin lelohng kahpwal en kailok kin kalapw dupungki soahng kohte oh kin kadakadaur kailok.

Mwein mie pak aramas lipilipilkin uhk, kadeik uhk, kapailokeiuk, kauweiuk oh kamasak uhk. Ahpw, kailok pil laudsang met. Kailok kin kalapw wiawi ni elen lemei, lidere meteikan, kauwehla mehkot, keme meteikan, angkehlail, kemehla aramas emen de me tohto.

Kahn Iroir wet pahn sapengala peidek pwukat oh kasalehda ia duwen atail kak powehdi kailok:

• Dahme kahrehda aramas tohto kin kailongki meteikan?

• Ia duwen atail kak sohla kadakadaur kailok?

• Mie ahnsou ehu me kailok sohla pahn mie kohkohlahte?