KAHN IROIR (ONG ONOP) May 2020
Kahn Iroir wet audaudki iren onop kan ong July 6–August 2, 2020.
“Nanmwarkien Paliepeng” ni Imwilahn Ahnsou
Iren onop 19: July 6-12, 2020. Kitail kilang mehn kadehde kan me kokohp en Daniel me pid “nanmwarkien paliepeng” oh nanmwarkien palieir” wie pweipweida. Ia duwen atail kak uhdahn kamehlele met? Oh dahme kahrehda kitail anahne wehwehki oaritikpen kokohp wet?
Nanmwarki Riemen me Uhpene ni Imwilahn Ahnsou
Kokohp me pid “nanmwarkien paliepeng” oh “nanmwarkien palieir” pweida erein ahnsou me kokohp teikan pil wiawi. Ia duwen kokohp pwukat ar kadehdehda me koasoandi en sampah wet pahn kereniong imwisekla?
Ihs me “Nanmwarkien Paliepeng” Rahnwet?
Iren onop 20: July 13-19, 2020. Ihs me “nanmwarkien paliepeng” rahnwet, oh ia duwen eh pahn sohrala? Atail ese pasapengpen met kak kakehlakahda atail pwoson oh sewese kitail en onopadahng kahpwal kan me pahn wiawi ni ahnsou keren.
Ke Kin Kalahnganki Soahng Mwahu kan me Koht Ketikihong Uhk?
Iren onop 21: July 20-26, 2020. Iren onop wet pahn kalaudehla atail kalahngan ong Siohwa oh ekei kisakis kan me e ketikihong kitail. E pil pahn sewese kitail en koasoi ni kadek ong irail kan me kin peikasalki me mie Koht.
Kalahnganki Sapwellimen Siohwa Kisakis kan me Kitail Sohte Kak Kilang
Iren onop 22: July 27–August 2, 2020. Nan iren onop en mwoweo, kitail koasoiapene ekei kisakis kesempwal kan sang rehn Koht me kitail kak kilang. Iren onop wet pahn koasoia kisakis kan me kitail sohte kak kilang oh ia duwen atail kak kasalehda atail kalahnganki. E pil pahn kalaudehla atail kalahnganki Siohwa Koht me wia Utupen kisakis kesempwal pwukat.
