Ni atail kin wadek Paipel, kitail kak rapahki ire kesempwal kan sang ni atail wia roporop. Ahpw ia duwen atail kak kalaudehla atail paiekihda met?

Tehk mwahu oaritik kan nan koasoipen Paipel ehu. Karasepe, diarada ihs me ntingihedi iren Paipelo, ong ihs, oh iahd. Nan soangen irair dah me met wiawi, dahme wiawi mwowe, oh dahme wiawi mwuhr.

Medemedewe mehn kasukuhl kan sang omw wia roporop duwen peidek kan duwehte: ‘Ia pepehm en aramas ako nan ire ko me ke wadek? Irair kaselel dah kan me irail kasalehda? Dahme kahrehda I anahne alasang de dehr alasang arail mehn kahlemeng ko?’

Doadoahngki dahme ke sukuhlki, mwein nan kalohk de ni omw kin patehng meteikan. Ni omw wia met, ke kin kasalehda me ke loalokong, duwehte me Paipel mahsanih: “Me loalokong kan en medemedewe mepwukat.”—Mel. 107:43.

• Iren Sawas: Tehk ia duwen atail kak kapwaiada dahme kitail sukuhlki nan Soahng Kesempwal kan Sang Mahsen en Koht nan mihting en wihk kan. Pali wet kin kalapw kihda peidek kan me kitail kak pein idek rehtail, ire kan me kitail kak doudouloale, oh kilel kan me kitail kak kilang.