Kitail kin kaudokiong Siohwa kaidehn ihte nan mihting kan, mihting tohrohr kan, ahpw pil ni atail wia pein atail onop en Paipel oh kaudok en peneinei. Iet ekei soahng kan me kitail kak wia nan atail onop oh kaudok en peneinei:

• Kaunopada ong mihting kan en mwomwohdiso. Ke kak praktiski koul kan oh sewese koaros nan omw peneineio en kaunopada pasapeng ehu.

• Wadek koasoipen mwekid ehu nan Paipel. Mwuhr, mahlenihada duwen mwekido nan koasoio de ntingihedi soahng ehu me ke sukuhlki.

• Wadek duwen kapakap ehu nan Paipel, oh medemedewe ia duwen eh kak seweseiuk en kamwahwihala omw kapakap.

• Kilang ehu kisin kasdo nan jw.org oh koasoiaiong meteikan de ntingihada parakrap ehu duwen kasdou.

• Kaunopada ong kalohk, ele emen nan peneinei kak mwomwehda tohnihmw oh ke kak praktiski dahme ke men nda.

• Kilang kepikipik kan oh doudouloale de koasoia dahme e padahkihong uhk duwen Siohwa. a