Ele tohtohn kitail kin diarada me e apwal en tamataman dahme kitail onopki. Ahpw e mengei en tamataman soahng tohto me Sises ketin padahkihong kitail pwehki e kin kalapw ketin doadoahngki karasaras kan. Kitail kak medewehla dahme e mahmahsanih, oh met sewese kitail en tamataman. Duwehte met, ke kak kalaudehla omw taman dahme ke onopki ni omw medewehla dahme ke wadek. Ia duwen omw kak wia met? Iei sang ni omw kin mahlenihada kilel kan erein omw onohnop.

Irail kan me kin mahlenihada soahng kapw kan me re sukuhlki kin kalapw tamataman mwahu. Irail esehda me wiepe wet kin sewese irail en wehwehki mwahu kaidehn nting kante, ahpw pil dahme re sukusukuhlki. Arail mahlen kan sohte uhdahn audapan oh apwal en wehwehki, ahpw e mengei oh sansal. Mahlenihada kilel kan kin uhdahn sewese aramas mah kan en tamataman dahme re sukuhlki.

Nan omw onop mwurin met, ele ke kak song en mahlenihada ekei kilel en dahme ke sukuhlki. Ele ke pahn pwuriamweikihla uwen laud en me ke tamataman!