Pahpa nohno kan ahneki pwukoa laud en padahkihong neirail seri kan duwen Siohwa. (Ep. 6:4) Pwehn sewese pahpa nohno kan, sapwellimen Siohwa pwihn wiahda artikel, kisin kasdo, oh koul tohtohie. Ia duwen omw kak doadoahngki soahng pwukat pwehn kaiahne noumw seri kan?

• Kohla nan jw.org. Nan jw.org, ke kak diar soahng koaros me wiawihda ong seri kan, duwehte kisin kasdo kan oh mehn kasukuhl kan me re kak nting de mahlen powe. a Pwehn diar soahng pwukat, daipihong “Children” de “Teenagers” nan koakon en rapahki.

• Pilada dahme keieu mwahu ong noumw serio. Pahn oaralapo “Children,” ke kak pilada kisin kasdo kan, koul kan, de kasukuhl kan me ke leme pahn sewese noumw serio. Pwehn diar mepwukat, rapahki “Family Worship Projects.”

• Wiahda ahnsou en iang noumw serio kilang soahng pwukat. Dehr wiahki neitail kisin kasdo de mehn kasukuhl kan mehn kamweitalahte noumw serio. Ahpw, koasoiaiong ih duwen soahng pwukat oh sewese en kakairada eh nanpwungmwahu rehn Siohwa.