Ni menseng en Niesil, September 5, 2012, pakair kohwong tohnpeneinei en Pedel kan nan Amerika oh Canada me mie emen me kapw me iangala Pwihn me Kin Apwalih Mwomwohdiso nan Sampah Pwon en Sounkadehdehn Siohwa kan. Sang September 1, 2012, Mark Sanderson tepida wia pwukoa wet.

Brother Sanderson tikida San Diego, California nan Amerika rehn eh pahpa oh nohno me wia Kristian kei, oh e papidaisla nan February 9, 1975. E tepida papah nin duwen pioneer men nan Saskatchewan, Canada, nan September 1, 1983. Nan December 1990, e kesepwil sang keisipak en Sukuhl en Brother kan ong Pwukoa Tohrohr kan (me met adaneki Sukuhl en Paipel ong Brother Kiripw kan) nan Amerika. Nan April 1991, Brother Sanderson idihdida pwehn papah nin duwen pioneer tohrohr men nan dekehn Newfoundland, Canada. Mwurin eh kin sewese wilian sounapwalih me kin seiloak, luhk kohwong en wiahla emen kisehn tohnpeneinei en Pedel nan Canada nan February 1997. Nan November 2000, e keseula nan ohpis en Sounkadehdehn Siohwa kan nan Amerika, oh e doadoahk nan palien sawas kan en wini (Hospital Information Services) oh mwuhr nan Palien Kalohk.

Nan September 2008, Brother Sanderson iang towehda Sukuhl ong Sounapwalih kan en Ohpis en Sounkadehdehn Siohwa kan oh mwurin mwo, e idihdida en wiahla emen tohn Pwihn me Kin Apwalih Ohpis en Sounkadehdehn Siohwa kan nan Philippines. Nan September 2010, luhk kohwong en pwurala Amerika, wasa me e papah nin duwen sounsawas ong pwihn me kin apwalih palien kalohk (Service Committee) en Pwihn me Kin Apwalih Mwomwohdiso nan Sampah Pwon.