“Kowe, Pedleem Eprata, . . . sang rehmw emen me pahn kaunda Israel.”

Maika 5:2

“Sises lao ketin ipwidi nan kahnimw en Pedleem nan wehin Sudia, ni mwehin Nanmwarki Erod iet pwihn ohl loalokong ehu ahpw lel Serusalem. Re pwarodo sang palimese.”

Madiu 2:1

“Re usuhski ei likou kan oh nehkpeseng nanpwungarail.”

Melkahka 22:18

“Irail eri ndapene nanpwungarail, ‘Kitail dehr tehrpeseng likou wet, a kitail usuhski ihs me pahn ahneki.’”

Sohn 19:24

“KAUN-O kin ketin sinsile, sohte tih pwoat reh me timpeseng.”

Melkahka 34:20

“Ni ar keiong mpen Sises, oh kilangada me e pwoulahr, re ahpw sohte katimpeseng aluweluwe kan.”

Sohn 19:33

“Re pahn saradahng ih me re doakoadier kemehla.”

Sekaraia 12:10

“Sounpei men ahpw doakoahki ketieu pwoat pengepenge; eri, nta oh pihl ahpw mwadangete kusieisang.”

Sohn 19:34

“Irail eri kihong ie mwohni silper silihsek.”

Sekaraia 11:12, 13

“Eri, emen rehn me ehk riemeno, me adaneki Sudas Iskariot, ahpw pwarala rehn samworo lapalap ako, oh idek rehrail, ‘Dahme kumwail pahn kihong ie, ma I pangodohng kumwail Sises?’ Irail eri kihong mwohni silper silihsek.”

Madiu 26:14, 15; 27:5