PEIDEK 2
Ia duwen omw kak sukuhlki duwen Koht?
“Kanahieng pwe pwuhken Kosonnedo pahn kin wadawad ni ahnsoun kaudok koaros. Ke pahn kin sukusukuhlki nin rahn oh nipwong, oh kanahieng soahng koaros me ntingdier loale. Eri, ke ahpw pahn kepwehpwehla oh pweida.”
Sosua 1:8
“Re kawehwe sapwellimen Koht Kosonnedo ni mahsen en sahpwo, oh kawehwehda mwahu pwe aramas koaros en kak dehdehki.”
Nehmaia 8:8
“Meid pai aramas akan me kin soikala kaweid en aramas suwed kan . . . , ahpw re kin perenki peikiong Kosonned en KAUN-O, oh medemedewe nan kapehdihr nin rahn oh nipwong. . . . Re kin pweida mwahu ni soahng koaros me re kin wia.”
Melkahka 1:1-3
“Pilip eri tangala oh rongada en ohlo eh wadewadek pwuhken soukohp Aiseia, e ahpw idek reh, ‘Ia duwe, komw wehwehki dahme komw wadewadeken?’ Ohlo ahpw sapengki, ‘Ia duwen ei pahn kak wehwehki, ma sohte me pahn kawehwehiong ie?’”
“Sang ni ahnsou me Koht ketin kapikada sampah, aramas kak dehdehki me ih uhdahn Koht mehlel oh sapwellime manaman me poatopoat. Mepwukat me sansal mwahu sang ni wiepen nin lime kan. Kahrehda aramas pwukat sohte kak peikidki ar wiewia kan!”
“Komw ketin sewese ie pwe I en wehwehki sapwellimomwi kosonned kan, oh I pahn medemedewe duwen sapwellimomwi padahk kapwuriamwei kan.”
Melkahka 119:27
“Kitail nsenoh sawaspene ni kasalepen atail limpoak oh atail wiewia mwahu kan. Kitail dehr tokedihsang atail tiahk en pokonpene.”
“Ma emen rehmwail anahne erpit, a en kapakap oh peki rehn Koht, oh Koht ahpw pahn ketikihong, pwe Koht me kupwursapan oh kalahngan ong aramas koaruhsie.”
