Paipel kin padahkihong kitail me mie ngehn tohto. Siohwa pil ngehn emen oh aramas sohte kak kilang ih.​—Sohn 4:24; 1 Timoty 1:17.

Mie ahnsou ehu me Siohwa kin ketin kelekelehpw nanleng. Ih eri ketin tepida kapikada ngehn akan me adaneki tohnleng. Irail kehlail oh pil loalokong sang aramas. Siohwa ketin kapikada tohnleng tohto. Nan kasansal ehu, sapwellimen Koht ladu Sohn kilangada tohnleng tohtohie.​—Kaudiahl 5:11; Ipru 1:14.

Koht ketin kapikada tohnleng pwukat mwohn eh ketin kapikada sampah. (Sohp 38:4-7) Irail kaidehn ngenen me melahr akan me momour nin sampah mahso.