“Ira en kin wiahla ehu.”​—Senesis 2:24

Ia duwen atail kak soikala kansensuwedih atail pwoud?

• Madiu 5:28; Episos 4:31

  Ken lelepek ong omw pwoud pil nan omw madamadau. Ken kanahieng en omw pwoud eh pepehm kan. Ma ke esehda me ke kin kamedekihala ih, wiahda wekidekla kan.

• Kalesia 5:15

  Kitail sohte douluhl men kamedekihala atail pwoud kan ni paliwar de ni pepehm. Lokaia kamedek de lemei kin ihte kauwehla mouren pwopwoud ehu.

• Lepin Padahk 5:18; Ipru 13:4

  Siohwa kin ketin kilangwohng kamwahl nin duwen dihp laud ehu. Kitail anahne koasoanehdi teng en kin lelepekohngete atail pwoud oh wiahiong atail mouren pwopwoud en kin kesempwal. Kitail sohte douluhl men kasohwauwih Siohwa de atail pwoud.

“Ihmw kan kin kokouda pohn poahsoan me poahsoanki kupwurokong.”​—Lepin Padahk 24:3

Dahme ke kak wia pwe ken ahneki mouren pwopwoud kehlail oh nsenamwahu?

• Lepin Padahk 24:4; Madiu 6:14, 15; Rom 12:2; 1 Piter 3:1

  Kihong ahnsou en koasoiong omw pwoud. Kasalehiong omw pwoud limpoak, wahu, oh kadek. Sukuhlki en kin mwadang mahk.

• Lepin Padahk 14:1; 31:29; Pilipai 1:9; 2:4; 1 Piter 3:7

  Peki rehn Siohwa en ketin seweseiuk ken wiahla ohl pwopwoud de lih pwopwoud mwahu men. Rapahki ahl akan en kalaudehla omw kadek oh nsenoh.

• Rom 12:10; 1 Piter 4:8

  Ma ke wia uwen omw kak koaros ken kasalehda me ke kesempwalki oh wauneki omw pwoud, omw mouren pwopwoud kak kehlailla oh pahn kaperenda Siohwa.