“Sohte ahiong me liksansalamwahu kan.”​—Melkahka 26:4

Dahme kahrehda mehlel kin kesempwal nan peneinei?

• Lepin Padahk 6:16-19

  Mehlel nanpwungen peneinei kin kalaudehla likilik. Tohn peneinei kan anahne mehlelpene nanpwungarail, mehnda ma e pil apwal.

• Lepin Padahk 22:6; Episos 6:4

  Ni seri kan ar kin kilang me arail pahpa nohno kin mehlel, e kin kamengeila irail en kin mehlel.

“Komw kin ketin kamwomwala aramas likamw akan oh sohte ketin kupwurki me widingan oh sounkam aramas akan.”—Melkahka 5:6

Dahme kahrehda e kesempwal en kin mehlel ong riatail Kristian kan nan mwomwohdiso?

• Lepin Padahk 10:19; Kolose 4:6

  Kitail kin men ahnsou koaros koasoi mehlel, ahpw atail lokaia kan anahne kasalehda kadek oh wahu.

• Lipai 5:1; Ipru 13:17; Seims 5:14, 15

  Ni atail kin mehlel ong elder kan nan mwomwohdiso, irail pahn kak sewese kitail.

• Seremaia 32:9-12; Episos 6:5-8

  Ma kitail kin wia pesines rehn riatail Kristian kan, kitail anahne uhdahn mehlel, en kin toupahrek ong irail, oh mehleliong dahme kitail pwungkipene.

“Ma ke pahn pilada nanpwungen ndand mwahu oh ahneki dipwisou, eri, pilada ndand mwahu.”​—Lepin Padahk 22:1

Mehnia irair teikan nan atail mour me kitail kin anahne mehlel?

• Melkahka 37:21; Madiu 22:17-21; Rom 13:1-7; Episos 4:25, 28

  Kitail kin mehleliong atail kaun en doadoahk, ni atail kin wia soahng kan me pid pesines kan, ni ahnsoun ale des kan nan sukuhl, oh ni ahnsoun audehda doaropwe kan, duwehte doaropwe en daksis kan de doaropwe en ohpis kan.

Dahme kahrehda en kin mehlel mwahusang kepwehpwe?

• Melkahka 15:1, 2; Lepin Padahk 11:1; 1 Timoty 6:9, 10

  E uhdahn kesempwal meteikan en ese me kitail wia aramas mehlel oh likilik kan. En kin mehlel kin sewese kitail en ahneki nsenmwakelekel. Siohwa kin ketin kalahnganki atail kin wia uwen atail kak koaros pwe kitail en kin mehlel.