15. Perenki Omw Doadoahk
1 SIOHWA KETIN KAPIKADA ARAMAS REN INENGIENG DOADOAHK
“Kitail koaros eri en kin mwenge oh nim, oh nsenamwahuki wahn atail doadoahk, pwe met sang ni kalahngan en Koht.”—Eklesiasdes 3:13
Dahme kahrehda doadoahk wia kisakis ehu sang rehn Koht?
-
Senesis 1:1, 31; Eklesiasdes 2:24; Sohn 5:17
Siohwa kin ketin doadoahk laud. E kin ketin kupwurperenki sapwellime doadoahk oh kupwurki kitail en pil perenki atail doadoahk.
-
Lepin Padahk 8:22-31; Kolose 1:15-17
Sises pil kin ketin ahnsou koaros doadoahk laud nanleng oh nin sampah.
-
Mark 6:3; Luk 21:37, 38; Sohn 4:31-38; 17:4
Sises kin ketin wia doadoahk me inenen kaselel oh kin ketin kanekehla sapwellime pwukoa kan pil ni ahnsou me e sohte mengei en kapwaiada.
2 KITAIL KAK KAMWAHWIHALA ATAIL MADAMADAU ONG ATAIL DOADOAHK
“Kasalehiong ie aramas emen me kak doadoahk mwahu, I ahpw pahn kasalehiong uhk emen aramas me mwahusang mehlel oh konehng patopato pahn kupwur en nanmwarki.”—Lepin Padahk 22:29
Dahme pahn sewese kitail en perenki atail doadoahk?
-
Lepin Padahk 12:24; Kolose 3:22-24; Ipru 13:18
Mehnda ma kitail sohte kak wilianda atail doadoahk, kitail kak kamwahwihala atail madamadau. Kitail pil kin men mehlel oh doadoahk laud.
-
Lepin Padahk 27:11; 1 Timoty 5:8; 1 Piter 2:12
Ni omw kin apwalihong omw peneinei ar anahn en war kan, ke kin peikiong Koht. Oh omw tiahk mwahu ni omw wasahn doadoahk kin kawauwih Siohwa.
-
Eksodus 20:13-15; Lepin Padahk 2:6; Rom 14:19-22; Episos 5:28–6:4; 1 Sohn 5:3; Kaudiahl 18:4
Paipel kin sewese kitail en ese ia duwen atail kin alehda doadoahk ehu ele pahn kamwakid kitail, atail peneinei, riatail Kristian kan, oh me keieu kesempwal Siohwa.
3 KOASOANEHDI DAHME KONEHNG EN WIAWI MAHS KAK SEWESE KITAIL EN PERENKI ATAIL DOADOAHK
“Pilada dahme keieu kesempwal.”—Pilipai 1:10
Dahme kitail pahn keieu mwohneki wia?
-
Melkahka 37:25; Lepin Padahk 3:5, 6; 1 Piter 5:7
Likih me Siohwa kin ketin mwahngih dahme ke kin anahne ehuehu rahn.
-
Madiu 6:25-32; 1 Timoty 6:8-10; Ipru 13:5
Sukuhlki ia duwen omw pahn kin itarki dahme ke ahnekier.
-
Lepin Padahk 10:22; Madiu 6:33; 28:19, 20; Ipru 10:24, 25
Medemedewehte papah Siohwa oh kalohki rongamwahwo. Met iei doadoahk keieu kesempwal me kitail kak wia.
