“Kumwail uhpahiong Koht; ahpw pelianda Tepil, oh e pahn tangasang kumwail.”​—Seims 4:7

Ia duwen atail ese me kitail kak pelianda Tepil?

• Kaudiahl 7:9, 14

  Siohwa ketikihong irepen dahme Tepil kak wiahiong kitail. Koht ketin inoukihda me pokon kalaimwun ehu pahn pitla ong pedolong nan sampah kapwo.

• 2 Kronikel 15:2

  Ni atail kin karanih Siohwa, Sehdan sohte kak kauwehla atail nanpwungmwahu rehn Koht.

• 1 Korint 10:13; Ipru 11:4-40

  Siohwa ketin inoukihda me e pahn ketin sewese kitail en kolokol atail lelepek, duwehte eh kin ketin sewesehier me tohto mahso.

“Kitail ese wiepe kan.”​—2 Korint 2:11

Soangen lidip dah me Tepil kin doadoahngki?

• Sohn 15:19; Kaudiahl 12:12, 17

  Tepil kin kaunda sampah, ahpw e sohte kaunda sapwellimen Siohwa aramas akan, ihme e pilkinirailda pwehn uhwong.

• Senesis 3:1; Kalesia 5:19-21; Episos 6:12

  Tepil kin songosong en diarada atail luwet kan pwehn kak doadoahngki oh uhkihong kitail.

• Lipai 19:26; Aiseia 1:13, 15; Mark 5:25, 26

  Ken kanahieng ni omw pilada doadoahngki wini de wiepen wini ehu. Ele aramas emen kin nantihong en mwahula sang eh soumwahwo kahrehda e kin men song wiepen wini ehu me pid wunahni.

• Deuderonomi 18:10-12; Wiewia 19:19; Kalesia 6:7; Kaudiahl 21:8

  Ma ngehn suwed kan esehda me kitail kin men ese duwen soahng kan me pid wunahni, irail kak isanekihla met. Ma kitail wia mehkot me pidada ngehn suwed, kitail pahn kasalehda atail sohte loalopwoat ong Siohwa.

“Tepilo . . . sounlikamw men oh semen likamw.”​—Sohn 8:44

Ia duwen atail pahn kakete lohkiseli en Tepil eh likamw kan?

• Rom 1:11, 12; 2 Timoty 2:16

  Aramas kin wiahda soai kan me kin kahrehiong Tepilo oh ngehn suwed kan ren mwomwen kehlail sang dahme re uhdahn ahneki. Kitail dehr iang koasoiaseli soangen soai pwukat me kak kahrehiong aramas en masak, ahpw kitail en ihte kangoange emenemen.

• Episos 6:11

  Ni atail kin esehda duwen en Tepilo eh lidip kan, kitail kak peiong oh kin mihmihte karanih Siohwa.