“Kitail en nantihongete koahiekla.”​—Ipru 6:1

Ia wehwehn en wiahla Kristian koahiek men?

• Rom 8:5; Ipru 5:14

  E kin anahne ahnsou oh doadoahk laud pwe emen en koahiekla. Kristian koahiek men kin nantihong en kilangwohng soahng kan ni ahl me Siohwa kin ketin kilangwohng mepwukat oh wiahda pilipil erpit kan.

• Lepin Padahk 27:11; Seims 1:2, 3

  Kahpwal akan kin kihda ahnsou mwahu en kakehlakahda omw pwoson oh kadehdehda omw limpoak ong Siohwa.

• Lepin Padahk 3:5, 6; Seims 1:5

  Ni omw pahn wiahda pilipil kan, medemedewe mwahu dahme Siohwa ketin kupwurki ken wia oh peki reh en ketin seweseiuk.

• 2 Korint 13:5

  Dehr uhdihsang omw sukusukuhlki duwen Siohwa oh kakehlailihala omw nanpwungmwahu reh.

“Lisoaropkihda lisoarop en koapworopwor en komour.”​—1 Deselonika 5:8

Ia duwen koapworopwor eh kak pere kitail?

• Ipru 12:2

  Omw koapworopwor ong ahnsou kohkohdo kin uhdahn kehlail. Medewehla ia duwen koapworopwor me Sises sapwellimanki eh kin sewese ih en kin dadaurete pahn eh kahpwal kan.

• Pilipai 4:6, 7

  Ma mie pak omw koapworopwor kin sosohrala, kapakapki duwen met. Madamadau sapwung oh peikasal kak kaluweteiukala. Ahpw Siohwa pahn ketikihong uhk eimah oh popohl en madamadau.

• Malakai 3:10; Rom 8:21

  Kaukaule doudouloale omw koapworopwor ong ahnsou kohkohdo. Sampah kapw pahn kaselel sang dahme ke kak medewehiong.

• Melkahka 37:4; Sud 21

  Siohwa ketin kupwurki ken esehla ih nin duwen Kompoakepahmw me keieu mwahu. Wia uwen omw kak koaros pwehn peikiong ih, oh karanihala ih ehuehu rahn.