2. Kadeikpen Loale me Mwahu Rehn Koht
1 KADEIKPEN LOALATAIL IEI KISAKIS EHU SANG REHN KOHT
“Pein arail lamalam kin kedipa de pil doare irail.”—Rom 2:14, 15
Ia duwen kadeikpen loalomw eh kak seweseiuk?
-
Melkahka 139:23, 24
Kadeikpen loalatail iei koahiek me mi loalatail en ese dahme mwahu oh suwed. E kin sewese kitail en kin mehlel ong pein kitail me pid atail madamadau oh pepehm me keieu loal.
-
1 Samuel 24:5; Sohp 27:6
Kadeikpen loalatail kak kaweid kitail ong me mwahu oh kahluwaikitail sang me suwed. E kin kahrehiong kitail en kin nsensuwedla mwurin atail kin wiahda pilipil sapwung ehu de peren ni atail kin wiahda pilipil mwahu ehu.
2 KADEIKPEN LOALATAIL KAN ANAHNE KAIAHNDA
“Ihs me kak wehwehki audepen mohngiong en aramas? Sohte mehkot me duwehte me diren piht; sohte kamwahupe ieu kak dierekda.”—Seremaia 17:9
Dahme Siohwa ketikihong kitailehr pwehn sewese kitail en kaiahne kadeikpen loalatail?
-
Kadeikpen loalatail me soh unsek kak sapwung. E anahne kaweid sang ni sapwellimen Koht manaman, kaidehn ihte sang atail pepehm kan.
-
Nan Paipel, kitail skuhliki sapwellimen Siohwa madamadau kan, me kin sewese kitail en ese me pwung sang sapwung oh kin sewese kitail en kaiahne kadeikpen loalatail.
3 KADEIKPEN LOALEN ARAMAS KOAROS SOHTE DUWEPENEHTE
“Emenemen en dehr kin raparapahkihte pein kamwahupe, ahpw kamwahupen meteio.”—1 Korint 10:23, 24
Ia duwen atail kak kasalehda wahu ong kadeikpen loalen meteikan?
-
Kadeikpen loalen aramas koaros sohte kin doadoahk ni soangen ahl ehute. Kadeikpen loalomw ele pahn mweidohng uhk ken wia mehkot me kadeikpen loalen emen sohte pahn wia.
-
Wahnpoaron Pohl kin nsenohki rie kan laud sang pein ih. E kin keieu kesempwalki arail pepehm kan laud sang pein ah kan.
-
Siohwa ketikihong kitail kadeikpen loalatail pwehn kadeik pein kitail, kaidehn en kadeik meteikan. Kitail anahne uhdahn kanahieng en dehr ngihtehtehki me kitail me pwung oh meteikan me sapwung.
4 SIOHWA KAK KETIN SEWESE KITAIL EN AHNEKI KADEIKPEN LOALATAIL ME MWAHU
“Kitail pahn kamehlelehiong pein kitail me Koht ketin poakohng kitail . . . pwehki Koht lapalapasang mohngiongitail oh ketin mwahngih mehkoaros.”—1 Sohn 3:19, 20
Dahme kahrehda kitail en dehr uhdi ma kitail kin kolokolete pepehm en nsensuwedkihla mehkot me kitail wiadahr mahs?
-
Melkahka 86:5; 1 Korint 6:11
Pepehm kan en nsensuwedkihla dihp en mahs kan ele kakete uhdahn kamedek oh mwein kak kahrehiong kitail en pehm me sohte katepatail ahnsou reirei mwurin atail pahn koluhla. Ahpw kitail sohte kak wekidala dahme wiawiher mahso. Siohwa ketin mahkohng kitailehr, oh dipatail ko irihrsangehr. Kitail kak mwakelekel mwohn silangi.
-
“Kosonned en Krais” poahsoankihda ire mehlel en Paipel kan a kaidehn kosonned kan. Mehnda ma pil sohte kosonned ehu ong mehkot ehu, Kristian men sohte kin rapahki ahl ehu pwehn wia dahme sapwung.
