“E kin ketin kompoakepahnki me pwung kan.”​—Lepin Padahk 3:32

Ia duwen atail kak pilada kompoakepatail ni loalokong?

• Rom 1:11, 12; 2 Korint 6:13; 1 Piter 2:17

  Kompoakepatail kan ele kohsang ni soangsoangen tiahk oh irair kan. Dahme kesempwal iei me kompoakepatail kan poakohng Siohwa.

• Rud 1:14, 16; 1 Samuel 18:1; Pilipai 2:20-22

  Mie mehn karasaras tohto en kompoakepah mwahu kan nan Paipel.

“Kompoakepah kan kin kasalehda ar limpoak ahnsou koaros. Ia katepen eh mie kompoakepahmw ma e sohte seweseiuk ni ahnsou apwal.”​—Lepin Padahk 17:17

Dahme kitail kak wia ma mie sawehwe ehu nanpwungen kitail oh kompoakepatail men?

• Melkahka 133:1; Madiu 6:14, 15; Rom 14:19

  Tiengla mwowe pwehn wiahda popohl oh kolokol miniminpene.

• Lepin Padahk 17:9; Kolose 3:13; 1 Piter 4:8

  Limpoak pahn kauhdi kitail sang wiahiong kisin sawehwe ehu ong lapalahn kahpwal ehu. E pahn sewese kitail en kin mahk oh loalopwoat.

• Melkahka 141:5; Lepin Padahk 27:6

  Tamataman me kompoakepah mehlel men sohte kin masak ndaiong uhk dahme mehlel duwen pein kowe.

• Lepin Padahk 12:18; 18:24; 1 Sohn 3:16-18

  Karakaranihete kompoakepahmw kan ni omw pahn wiewiahte kompoakepah mwahu men.

“Ni mehlel, sohte peneu ehu kin kaperen ni emen eh kin ale, . . . ahpw mwuhr; e kin kapwarehda . . . elen pwung.”​—Ipru 12:11

Dahme kitail pahn wia ma kompoakepah men pilada en sohpeisang Siohwa?

• 1 Korint 5:11-13; 2 Sohn 9-11

  Ma kompoakepah men pilada en wiewiahte soahng suwed kan oh sohte men ale sawas, e kasalehda me e solahr men wia kisehn mwomwohdiso.

• 1 Piter 1:15, 16

  Koasoandi en pisikensang nan mwomwohdiso kin kasalehda limpoak ong Siohwa, mwareo, oh sapwellime koasoandi kan ong dahme pwung oh sapwung.