“Pousehlahte wehwehkihla dahme Siohwa ketin kupwurki.”​—Episos 5:17

Ire mehlel dah kan sang nan Paipel me kak sewese kitail en wiahda pilipil mwahu kan duwen mehn kamweit kan?

• Melkahka 16:8; Lepin Padahk 6:16-19; Kalesia 5:19-21

  Kitail anahne tatki soahng kan me Siohwa kin ketin kalahdeki, me duwehte tiahk lemei, tiahk kan me kin pidada ngehn suwed kan, oh tiahk suwed.

• Melkahka 19:14; Pilipai 4:8

  Ma kitail kin audehkihda atail madamadau soahng mwahu kan oh doudouloale, kitail kin kaperenda Siohwa.

• Madiu 6:33; Episos 5:15, 16

  Kitail anahne kanahieng duwen uwen ahnsou me kitail kin doadoahngki ong mehn kamweit kan. Atail kaudokiong Siohwa anahne en wia mehkot me keieu kesempwal nan atail mour.

“Emenemen en dehr kin raparapahkihte pein kamwahupe, ahpw kamwahupen meteio.”​—1 Korint 10:24

Dahme kahrehda kitail anahne nsenohki dahme meteikan kin medewehki duwen atail pilipil ong mehn kamweit kan?

• Eklesiasdes 7:16; Rom 2:21

  Dahme emen Kristian pilada nin duwen mehn kamweit ele weksang dahme meteikan pilada. Kitail en dehr kadeik pilipil kan me meteikan wiahda, ahpw kitail song pein wiahda pilipil mwahu kan.

• Kalesia 6:5; Pilipai 4:5

  Kadeikpen loalatail kin kamwakid atail pilipil kan, oh kadeikpen loalen meteikan sohte duwehte atail.

• 1 Korint 10:32; Pilipai 1:10

  Kitail sohte men kadipekelekelih riatail Kristian kan, eri kitail kin kanahieng duwen mehn kamweit kan me kitail kin pilada.