7. Ke Kin Kesempwalki Mour Duwehte Koht?
1 MOUR KIN KESEMPWAL ONG SIOHWA
“Komwi me poahsoan en mour koaros.”—Melkahka 36:9
Dahme kahrehda kitail kin kilangwohng mour nin duwen kisakis kesempwal ehu?
-
Senesis 1:27; Melkahka 19:7-11; Lepin Padahk 2:6-11
Siohwa ketin kapikada soahng momour koaros, iangahki aramas. Kitail kin kesempwal reh, oh e ketin kupwurki emenemen aramas en ahneki mour me peren oh mie katepe.
-
Siohwa sohte ketin kapikada kitail en duwehte robot kan. E ketikihong kitail saledek en wiahda pilipil oh koahiek en wiahda koasoandi kan me kin kasalehda ia uwen atail kin kesempwalki mour.
2 NTA KIN KESEMPWAL ONG SIOHWA
“Mour en mehkoaros me momour kin mihmi ni nta.”—Lipai 17:11
Ia duwen Siohwa eh kin ketin kilangwohng nta?
-
Lipai 17:10; Lepin Padahk 13:16; Wiewia 15:20; Rom 12:2
Irair ehu kakete pwarada me pahn anahne kitail en wiahda pilipil kesempwal kan me pid duwen epwelpen wini me pidada nta, me iangahki ma kitail pahn ale soahng kan me inenen tikitik me kohsang nan nta de soh. Meteikan sohte pahn wiahda pilipil pwukat ong kitail. Mwohn soangen irair wet eh pahn pwarada, kitail anahne kapakapki kaweid oh wia roporop kan me anahn.
-
Senesis 9:4, 5, 9; Deuderonomi 12:16; Wiewia 15:28, 29
Nan Paipel, nta kin wiliandi mour. Sapwellimen Koht kosonned duwen nta sohte wekila. E duweduwehte sang ni mwehin Noha lel ahnsou me Koht ketikihong mehn Israel ko Kosonned en Moseso oh leledo ni mwehin Kristian ako.
3 KITAIL ANAHNE KIN KILANGWOHNG MOUR DUWEHTE SIOHWA
“Ih duwen kupwurei oh wiewia kan eh ileilesang amwail kan.”—Aiseia 55:9
Ia ekei ahl akan me kitail kin kasalehda me kitail kin kilangwohng mour nin duwen mehkot kesempwal?
-
Eksodus 21:22, 23
Mour en aramas koaros kin kesempwal rehn Siohwa. Kauwehla liseian kin sapwung pwehki ong Koht, seri men me saikinte neitikidi, pil wia aramas momour men.
-
Melkahka 103:8-14; Wiewia 3:19; Episos 1:7
Ma lih emen kauwehla eh liseian mahso ahpw koluhkihla met, Siohwa pahn ketin mahkohng.
-
Melkahka 11:5; Eklesiasdes 11:9, 10
Kitail kin kasalehda atail kin wauneki mour sang ni atail kin soikala mwadong kan me keper oh tiahk keper de lemei. Kitail pil anahne kanahieng wiahiong imwatail oh waratail weren nansapw kan en sohte keper.
4 EN SEHDAN SAMPAH KIN PWUKOAHKI KAMAKAMALAHN ARAMAS MWOHN SILANGIN SIOHWA
“I kilangada me liho sakaukihla ntahn aramas sarawi kan.”—Kaudiahl 17:6
Dahme kahrehda en Sehdan sampah kin pwukoahki kamakamalahn aramas?
-
Meh rar rar kei kamakamalahr pwehki pelien lamalam, palien politik, oh noahrok.
-
Madiu 24:14; Sohn 17:16; Wiewia 20:26, 27
Kristian akan kin kolokolete arail soupoupali oh sohte kin utungada pwihn sohte lipilipil me kin iang pidada mahwen de kamaramas. Kitail kin sewese aramas akan ren alehdi mour sang ni atail kin ehukihong irail rongen Wehio.
