9. “Tangasang Tiahk Samin me Pid Wia Nsenen Pwopwoud!”
1 TIAHK SAMIN KIN WIA LIDIP EHU
“Tangasang tiahk samin me pid wia nsenen pwopwoud!”—1 Korint 6:18
Dahme kahrehda tiahk samin uhdahn keper?
-
Nempe 25:1-9; 2 Korint 2:11
Nan en Sehdan sampah, aramas kin nohn medemedewe duwen wia nsenen pwopwoud, oh met kak kamwakid sapwellimen Siohwa aramas akan. Tiahk samin me pid wia nsenen pwopwoud iei ehu en Sehdan lidip me kin pweida, oh kitail anahne pereikitailsang met.
-
Lepin Padahk 22:3; Kalesia 6:7, 8
Medewehla medek oh lokolok me tiahk samin kin kahrehda.
-
Ma emen kin pousehlahte wiewia tiahk samin me pid wia nsenen pwopwoud, e solahr kak mi nan mwomwohdiso.
2 KITAIL KAK PELIANDA TIAHK SAMIN ME PID WIA NSENEN PWOPWOUD
“Emenemen kin lelohng nan songosong sang ni pein eh ineng. Eri inengo . . . kanaitikihada dihp.”—Seims 1:14, 15
Ia duwen atail kak pelianda tiahk samin me pid wia nsenen pwopwoud?
-
Sohp 31:1; Seremaia 17:9; Madiu 5:27, 28; Kolose 3:5
Mwadang pelianda madamadau samin kan, mwohn eh pahn kakairada ineng sapwung kan. Soikala kilang kilel oh kasdo suwed.
-
Senesis 39:7-12; 2 Korint 4:7; Seims 1:5
Uhda oh kohkohsang ma anahn. Peki Siohwa en ketin seweseiuk.
-
Lepin Padahk 27:11
Doudouloale duwen kamwahu kan en peikiong sapwellimen Koht kosonned kan.
-
Lepin Padahk 13:20; 1 Korint 15:33
Pilada kompoakepahmw me poakohng Siohwa oh me kin kesempwalki koasoandi kan me ke kin kesempwalki.
3 DEHR UHDI; SIOHWA PAHN KETIN SEWESEIUK
“Komwi me kupwur mwahu oh diren mahk ong kiht.”—Melkahka 86:5
Ia duwen Siohwa eh kak ketin sewese kitail ma kitail wiahda dihp laud ehu?
-
Melkahka 103:14; Lepin Padahk 28:13; Rom 7:21-25
Ma aramas emen koluhla, Siohwa pahn ketin mahkohng.
-
Elder kan nan mwomwohdiso kak sewese kitail en kamwahwihala atail nanpwungmwahu rehn Koht.
-
Lepin Padahk 3:5, 6; Pilipai 4:8, 9
Sukuhlki en madamadau ni ahl me kin kaperenda Siohwa. Ke ahpw pahn wiahda pilipil loalokong kan.
