Audepen Pali 9
Pali wet kin padahkihong kitail duwen me pwulopwul kan, soukohp kan, oh nanmwarki kan me kin kasalehda ar pwoson laud Siohwa. Nan Siria, kisin serepein en Israel men pwoson me sapwellimen Siohwa soukohpo pahn kak kamwahwihala Nahman. Soukohp Elisa likih Siohwa ni unsek me e pahn ketin pere ih sang eh imwintihti sounpei kan. Samworo Lapalap Sehoiada tounmeteikihla eh mour pwehn perehla Sohas sang eh nohno kahlap suwed, Adalaia. Nanmwarki Esekaia likih me Siohwa pahn ketin kapitala Serusalem, oh e sohte masakada mehn Asiria ko. Nanmwarki Sosaia kihsang dikedik kan nan sahpwo, pwurehng kamwahwihala tehnpaso, oh pwurehng kapwurelahng wehio ong kaudok mehlel.
IN THIS SECTION
IREN MEHN KASUKUHL 51
Sounpei Men oh Kisin Serepein Men
Kisin serepein pwulopwul en Israel men ndaiong en Nahman pekeio duwen sapwellimen Siohwa manaman lapalap—me imwikihla manaman kapwuriamwei ehu.
IREN MEHN KASUKUHL 52
Sapwellimen Siohwa Karis en Sounpei Kisiniei kan
Ia duwen nein Elisa laduwo eh kilangada me ‘iangara kan tohtohsang irail.’
IREN MEHN KASUKUHL 53
Eimah en Sehoiada
Samworo lelepek men kesihnenda teng ong lih nanmwarki suwed men.
IREN MEHN KASUKUHL 54
Siohwa Ketin Kanengamahiong Sona
Ia duwen emen sapwellimen Koht soukohp eh mihla nan kapehden lapalahn mwahmw men? Ia duwen eh pedoi? Oh mehn kasukuhl dah me Siohwa ketin padahkihong ih?
IREN MEHN KASUKUHL 55
Sapwellimen Siohwa Tohnleng Men Doarehla Esekaia
Imwintihti kan en Suda nda me Siohwa sohte pahn doarehla sapwellime aramas akan, ahpw irail sapwung!
IREN MEHN KASUKUHL 56
Sosaia Poakohng Sapwellimen Koht Kosonnedo
Sosaia wiahla nanmwarki en Suda ni ahnsou me e sounpar waluh, oh e sewese nah aramas ako en kaudokiong Siohwa.