SUKUHL ONG SOUNKALOHKI WEHIO KAN Pioneer kan me mahki sounpar 23 lel 65 me kin men kalaudehla arail doadoahk en kalohk ale luhk ong mihting ong Sukuhl ong Sounkalohki Wehio kan mwurin souwas en Rahn Sarawi. Wasa oh kuloak ong mihting wet pahn pakair.

ME KIN SEWESE TOHN MIHTING Mie irail kan me kin sewese tohn mihting. Menlau idawehn arail kaweid me pid peidi en sidohsa, wasahn alu, kilelehdi dewen emen oh pil soahng teikan.

PAPIDAIS Sehr kan me koasoandi ong irail me pahn papidais pahn mi mwohn wasahn padahk. Irail kan me pahn papidais anahne mwohndi wasa pwukat mwohn padahk en papidais eh pahn tepida nimenseng en Rahn Kaunop. Emenemen anahne wahda daul oh likou me konehng.

SAWAS EN MWOHNI Mwohni laud kin kadoadoahk ong kaunopadahn sehr kan, mehn pakair kan oh sawas tohto teikan pwehn kansenamwahu ong me pahn towehda oh sewese kitail en karanihala Siohwa. Omw sawas en mwohni kin sewese pwainla soahng pwukat oh pil utung doadoahk en sampah pwon. Mie koakon en sawas kan me kilel mi ie nan wasahn mihting tohrohr pwehn mengei ong uhk ken diar. Se uhdahn kalahnganki sawas en mwohni koaros. Pwihn me Kin Apwalih Mwomwohdiso nan Sampah Pwon kin kalahnganki omw sawas oh utuht ong doadoahk en Wehio.

WASAHN SAWAS EN WINI Menlau tamataman me met ONGETE MEHKOT KARUWARU.

WASAHN SOAHNG KAN ME SALONGALA OH DIEREK Kepwe koaros me dierekda anahne wisikla Palien Wasahn Soahng kan me Salongala. Ma mie omw mehkot me salongala, kohla pali wet oh kilang. Ma ke diar seri men me salongala sang eh pahpa oh nohno, menlau wahla ih wasaht. Ahpw, met kaidehn wasahn apwalih seri kan. Menlau apwalih noumw seri kan oh ren mihmihte rehmw.

WASAHN MWOHNDI Menlau medewe meteikan. Tamataman, kolokol sehr kan ongete tohn omw peneinei, irail kan me iang weromw sidohsa oh noumw tohnsukuhl en Paipel kan. Menlau dehr kihdi kepwe pohn sehr me ke sohte kolokol.

IANG SAWAS Ma ke men iang sawas en doadoahk me pid koasoandi en mihting tohrohr, menlau padahkihong pali wet.