Ia duwen omw kak uhdahn esehla pwuhk wet
Tehk mahs wasa me kawehwehda mwomwen mehn onop wet oh mwuri kilang KISIN KASDO.
PALI KEIEUN IREN MEHN KASUKUHL
Pwe ken kaunopada ong ehuehu iren mehn kasukuhl, wadek tepin parakrap kan. Peidek kan me nting mosul (A) oh iren Paipel kan (B) kin kasalehda ire kesempwal kan. Tehk pwe ekei iren Paipel kan kileldi pwe ken “wadek.”
PALI KERIAU
Tepin nting kan (C) pahnangin Kalaudehla Omw Ese Met kin kawehwehda soahng kan me ke kak medemedewe. Sawaspen oaralap (D) kin kasalehda ire kesempwal kan. Kowe oh aramas me kin onop rehmw pahn wadek iren Paipel kan, sapeng peidek kan oh kilang kisin kasdo kan.
Koakon en KISIN KASDO kin waiukalahng kasdo oh rekording kan me kak kalaudehla omw wehwehki audepen mehn kasukuhlo. Ekei kasdo kin kasalehda mwekid kan me uhdahn wiawi. Ekei kasdo kan kin wiahte sipai ahpw e kin kamwomwada soahng kan me kin wiawi.
Tehk kilel kan oh kawehwehn kilel kan (E), oh medewe ia duwen omw kak sapeng dahme Ekei Aramas Kin Nda (F).
PALI KESILUH
Iren mehn kasukuhlo kin imwisengkihla Dahme Ke Sukuhlkier oh Kousapahl (G). Ntingihdi rahn me ke kanekehla iren mehn kasukuhlo. Song en wia dahme kileldi pahnangin Dahme ke kak wia (H). Pil Tehk (I) kin audaudki ire teikan me ke kak wadek de kilang.
Audepe kan
|
|
|
|
Ia duwen omw kak diarada iren Paipel kan
Kisin pwuhk 66 me kohpene wiahda Paipel. E kohpeseng ni pali riau: Nting Sarawi kan ni Lokaiahn Ipru-Aramaik (“Kadehde Mering”) oh Nting Sarawi kan en Kristian ni Lokaiahn Krihs (“Kadehde Kapw”).
Iren Paipel me kin pwarada nan pwuhk wet kin tepikihda eden Pwuhk (A), mwuri irelaud (B), oh iretikitik de iretikitik kan (C).
Karasepe, Sohn 17:3 kin wehwehki pwuhken Sohn, irelaud 17, iretikitik 3.
