Kaunopada mwahu. Onop lao ke wehwehkihla ia ire kesempwal kan oh ia duwen Paipel eh kadehdehda me ire kesempwal pwukat mehlel. Song kasalehda ire kesempwal kan nan omw padahko ni omw doadoahngki ekeite lepin lokaia mengei kan. Tehk ia duwen eh pahn sewese sounrongorong kan. Kapakapki sapwellimen Koht manaman.

Doadoahngki lepin lokaia kan me kasalehda omw kamehlele. Dehr doadoahngkihte lepin lokaia kan sang nan pwuhko, ahpw doadoahngki pein omw lokaia. Pilada lokaia me kasalehda me ke uhdahn kamehlele dahme ke koasoakoasoia.

Kasalehda omw ngoangki oh me ke koasoakoasoi sang nan mohngiong. Koasoi ni uwen ngihl laud me konehng. Ma sounrongorong kan sohte pahn suwedki, kin kilang nan meserail kan.