Erein pahr 2024, usuhs tohto pahn wiawi nan sampah pwon. Ahpw, aramas tohto sohsohlahr likih soun politik kan.

•   Nan roporop, pali laud en mehn Amerika kin koasoia me “pali laud en soun politik kan kin mwekidki kahrepe roporop” a kaidehn ar ineng en papah neirail tohnwehi kan. a—Pew Research Center, September 19, 2023.

 Me pwulopwul tohto pil sohte likih soun politik kan.

•   “Me pwulopwul kan (Teenagers) kin nsenohki rapahki pasapengpen kahpwal kan, ahpw nan roporop kan, re nda me soun politik kan sohte kin sapengala arail anahn akan.”—The New York Times, January 29, 2024.

•   “Ehu roporop kasalehda, me pwulopwul kan kin likih You Tuber laudsang soun politik kan.”—The Korea Times, January 22, 2024.

 Ia duwe, kitail kak likih me soun politik kan pahn kamwahwihala sampah ni ahnsou kohkohdo? Ihs me kitail kak likih?

 E mwahuwong aramas akan en kanahieng ihs me re pahn likih. Paipel kin mahsanih me “aramas pweipwei kin kamehlele mehkoaros; aramas loalokong kin kanahieng arail kahk koaros.”—Lepin Padahk 14:15.

•   Pwehn seweseiuk en esehla mehnia rohng me mehlel oh mehnia rohng me likamw, menlau wadek oaralap “Protect Yourself From Misinformation.”

 Oh pil mendahki me soun politik kan me uhdahn mehlel oh men sewese aramas akan, ahpw mie irepen dahme re kak wia. Ihme kahrehda Paipel panawiheki:

•   “Kumwail dehr koapworopworki me lapalap en sampah kan; pwe sohte emen tohrohr kak komourkumwailla.”—Melkahka 146:3.

 Paipel kin kawehwehda me Koht ketin idihada kaun emen me keieu koahiek oh likilik: Sises Krais. (Luk 1:32, 33) Sises iei Nanmwarki en Wehin Koht, koperment ehu me kin kakaun sang nanleng.—Madiu 6:10.

•   Sukuhlki dahme kahrehda ke kak likih Sises oh dahme e pahn ketin wia pwehn kamwahwihala kahpwal kan me kitail kin lelohng. Menlau wadek oaralap pwukat “Ihs me Nanmwarki en Wehin Koht?” oh “Dahme Wehin Koht Pahn Kapwaiada?”