Pwihn mwersuwed kan kin kauwehla wasa tohto nan Haiti. Tiahk lemei kan kin wiawi nan South Africa oh Mexico oh pil wehi teikan nan Latin Amerika. Mendahki wasa me tiahk lemei kin tikitikla sang mahso, aramas akan kin pwunodki oh perki tiahk lemei me duwehte pirapa, kauwehla, oh isikala arail kepwe kan.

 Dahme Paipel mahsaniheki duwen tiahk lemei me kin wiawi sampah pwon?

 Paipel kohpada me wiewia suwed kin wia kisehn kilel en “imwin koasoandi en mwehi wet.” (Madiu 24:3) Ni Sises Krais eh ketin kawehwehda mwekid pwukat me wia kisehn kilelo, e ketin mahsanih:

•   “Pwehki lalaudlahn me suwed, limpoak en pali laud en aramas pahn loula.”—Madiu 24:12.

 Paipel pil kohpada me “ni imwin rahn akan” aramas akan “sohte kak kaunda pein irail, lemei, sohte pahn kin poakohng me mwahu.” (2 Timoty 3:1-5) Soangen irair roporop pwukat me kin kahrehda wiewia suwed kan me kitail kin kilang rahnwet.

 Ahpw mie koapworopwor. Paipel inoukihda me soahng suwed kan pahn kereniong sohrala.

•   “Ahnsou keren aramas suwed kan pahn sohrala; ke pahn rapahkin irail, ke ahpw sohte pahn diar irail; a me aktikitik kan pahn sapwenikihla sahpwo oh re pahn paiamwahu oh popohl.”—Melkahka 37:10, 11.

 Kalaudehla omw ese dahme Paipel mahsanih duwen koapworopwor wet oh kahrepen omw kak kamehlele me wiewia kan me kitail kilang rahnwet kin kapwaiada kokohp en Paipel kan. Wadek oaralap pwukat.

 “A Real Hope for a Better Tomorrow”

 “What Is the Sign of ‘the Last Days,’ or ‘End Times’?”

 “Did the Bible Predict the Way People Think and Act Today?”