NO VIDA KRISTON
No Minjoria No Abilidadi Na Pregason — Sina No Studantis pa e Purpara
PABIA KI IMPORTANTI: Ora ku studantis di Biblia sta purparadu i ta sedu mas fasil pa e ntindi i lembra ke ku no sina elis. Mas ke na ntindi i lembra, e mas ta fasi progresu rapidu. Nin si e batiza, e na pirsisa inda di purpara pa runions i pa pregason, pa pudi “toma sintidu”. (Mat 25:13) Asin, si e sibi studa i tene un bon rotina di studu kila na benefisia elis pa tudu se vida. Desdi kumsada, no dibi di juda no studanti disenvolvi kustumi di purpara se studu di Biblia.
KUMA DI FASIL:
-
Sedu bon izemplu. (Rom 2:21) Tene na menti bu studanti ora ku bu na purpara pa kada studu. (km 11/15 3) Mostral bu izemplar subliñadu.
-
Nkoraẑal pa i purpara. Ora ku studu firma, kontal kuma, purparason fasi parti di studu di Biblia, i splikal kal ki benefisiu. Da suẑeston pratiku kuma ku pudi ranja tempu pa purpara. Alguns instrutoris ta da se studanti se publikason subliñadu duranti studu, pa juda se studanti oja benefisiu di purpara. Eloẑial ora ki purpara.
-
Mostra elis kuma di purpara. Logu na kumsada, alguns instrutoris ta usa un studu kompletu pa mostra se studanti kuma ke pudi purpara se lison.