25:1-12

Apesar di Jesus aplika komparason di des bajuda pa si sigiduris unjidu, basikamenti si mensaẑen ta aplika pa tudu kristons. (w15 15/3 12-16) “Asin bo toma sintidu, pabia bo ka sibi nin dia nin ora.” (Mat 25:13) Sera ki bu pudi splika komparason di Jesus?

• Noivu (versikulu 1) — Jesus

• Bajudas jiru ku purparaba (versikulu 2) — Kristons unjidu ku purpara pa kumpri se disignason di manera fiel, ku na lampra suma strelas te na fin. (Fil 2:15)

• Gritu: “Ali noivu na bin” (versikulu 6) — Prova di presensa di Jesus.

• Bajudas tulu (versikulu 8) — Kristons unjidu ku sai pa bai da Noivu kontrada, ma e ka manti atentu i e ka manti se integridadi.

• Bajudas jiru nega pati se azeiti (versikulu 9) — Dipus di selu final, i na sedu tardi dimas pa unjidus fiel juda kualker algin ku torna infiel.

• “Noivu ciga” (versikulu 10) — Jesus bin julga, pertu di fin di garandi foronta.

• Bajudas jiru entra na festa di kasamenti ku noivu, i porta ficadu (versikulu 10) — Jesus junta si unjidus fiel na seu, ma ki unjidus infiel pirdi se rekompensa na seu.