KUMSA KOMBERSA
LISON 2
Sedu natural
Prinsipiu di Biblia: “Palabra sertu na si tempu propi i bon.” — Dit 15:23.
Ke ku Filipi fasi
1. Jubi VIDEO, o lei Atus 8:30, 31. Dipus pensa diritu nes purguntas:
-
Kuma ku Filipi kumsa kombersa?
-
Pabia ku es i un manera natural di kumsa kombersa i nsina omi di Etiopia un kusa nobu?
Ke ku no aprindi di Filipi?
2. Si no disa pa kombersa bai di manera natural, i na ten mas pusibilidadi pa ki algin sta avontadi i dispostu pa sukuta no mensaẑen.
Kopia isemplu di Filipi
3. Sedu algin ku ta jubi diritu. No pudi nota manga di kusas si no jubi rostu di algin ku si ẑestus. Sera ki kil algin sta dispostu pa papia ku bo? Bu pudi kumsa papia di un kusa ku sta na Biblia ku es purgunta simplis: “Bu sibiba di kuma . . . ?” Ka bu forsija kombersa ku un algin ku ka misti papia.
4. Sedu pasienti. Ka bu pensa di kuma bu dibi di kumsa papia di Biblia logu-logu. Pera un bon mumentu, asin bu na pudi kontinua kombersa di manera natural. Utrora, es pudi signifika pera utru bias pa papia ku ki algin.
5. Sibi adapta. Un algin pudi kumsa papia di un kusa ku bu ka speraba. Pa kila, sta dispostu pa papia di un asuntu ku na interesa ki algin, mesmu si i signifika papia di un asuntu diferenti ku bu purparaba pa papia del.
