RIVISITA
LISON 7
Kontinua juda jintis
Prinsipiu di Biblia: “E ka ta kansaba di . . . nsina i konta Bon Noba”. — At 5:42.
Ke ku Paulu fasi
1. Jubi VIDEO, o lei Atus 19:8-10. Dipus pensa diritu nes purguntas:
-
En ves di disisti oca ku alguns sta kontra el, kuma ku Paulu kontinua juda kilis ku mostra interesi?
-
Kantu bias ku Paulu riba pa nsina es jintis interesadu, i pa kantu tempu ki fasil?
Ke ku no aprindi di Paulu?
2. No pirsisa di ranja tempu i sforsa pa fasi bon rivisitas i kumsa studus bibliku.
Kopia isemplu di Paulu
3. Sta pruntu pa visita algin na ora ku na da pa rel. Punta bu kabesa: ‘Kal dia i kal ora ki na sedu mas fasil pa N pañal? Kal ora i na nunde ki na sedu mas fasil pa N papia ku el?’ Sta dispostu pa visita algin, mesmu na ora ki na sedu difisil pa bo.
4. Bo kombina ora ku bu na riba mas. Na kada fin di kombersa, fasi sforsu di konfirma ora sertu ku bu na riba mas pa bo kontinua kombersa. Rispita ora ku bo kombina.
5. Kontinua sedu pusitivu. Ka bu pensa logu di kuma un algin ka sta interesadu, so pabia di kuma i difisil paña o i ta sta tudu ora okupadu. (1 Kor 13:4, 7) Kontinua fasi sforsu pa paña si dunu, ma tambi sertifika di kuma bu sta na usa bu tempu diritu. — 1 Kor 9:26.
