Oca Jesus ciga Betania pertu di Jerusalen, i fasiba ja kuatru dia ku si amigu Lazaru muri. Jesus bai pa koba juntu ku Marta ku Maria, irmas di falsidu. I ka tarda, manga di jinti kumsa ku ciga la. Bu pudi imaẑina alegria di Marta ku Maria oca ku Jesus lantanda Lazaru di mortu? — Lei Jon 11:21-24, 38-44.

Marta sibiba ja di bon noba aserka di mortu. I sibiba kuma Jeova na bin resusita kilis ku muri pa e bin vivi mas na tera. — Lei Jo 14:14, 15.

Pekadur kumpudu di reia. (Kumsada 2:7; 3:19) No ka tene un alma ku ka ta muri ku sta dentru di nos. Ora ki no muri, nin un parti di no kurpu ka ta kontinua vivi. Si no muri, no kabesa ta para funsiona i no pensamentus ta disparsi. E ku manda, Lazaru ka fala nada aserka di si speriensia kontra i muri, pabia kin ku muri ka sibi nada. — Lei Salmu 146:4; Eklesiastis 9:5.

Sera ki Deus ta kastiga jintis na fugu dipus ke muri? Suma Biblia mostra kuma mortus ka sibi nada, nfernu di fugu i un nsinu falsu ku ta disfama nomi di Deus. Propi ideia di tortura jintis na fugu i nujenti pa rel. — Lei Jeremias 7:31.

Jubi video Ke ku ta akontisi ku nos ora ku no muri?

Mortus ka pudi papia nin obi. (Salmu 115:17) Ma alguns anjus sedu mau, e ta tenta papia ku jintis i finji sedu kilis ku muri. (Judas 6) Jeova tujinu tenta papia ku mortus. — Lei Ripitison di Lei 18:10, 11.

Manga di jintis ku muri na bin volta vivi na tera. Mesmu kilis ku ka kunsiba Deus i ku fasiba mau kusas na bin resusitadu. — Lei Atus 24:15.

Resusitadus na pudi bin aprindi bardadi aserka di Deus i mostra se fe na Jesus ora ke na obdisil. (Apokalipsi 20:11-13) Kilis ku volta vivi i ku fasi bon kusas, na bin pudi vivi sabi pa sempri na tera. — Lei Jon 5:28, 29.

Deus torna pusivel speransa di kilis ku muri pa manera ki i manda si Fiju muri pa nos. Asin resureson ta mostranu amor di Jeova ku si bondadi ku no ka meresi. Ora ki mortus bin volta vivi, kin ku bu mas na gostaba di oja? — Lei Jon 3:16; Romanus 6:23.