LISON 7
Ke ki Renu di Deus?
1. Ke ki Renu di Deus?
Ke ki fasi di Jesus un minjor Rei? — MARKUS 1:40-42.
Renu di Deus i un guvernu ku sta na seu. I na bin toma lugar di tudu utru guvernus, i Deus na bin usa e guvernu, pa fasi si vontadi na seu ku tera. I bon noba sibi kuma Deus na bin usa si Renu des manera. I ka na tarda, Renu di Deus na bin satisfasi nesesidadi di pekadur di tene un bon guvernu. I na bin uni tudu jintis na tera. — Lei Daniel 2:44; Mateus 6:9, 10; 24:14.
Un renu dibi di tene un rei. Jeova kuji si Fiju, Jesus Kristu, pa i sedu Rei di si Renu. — Lei Apokalipsi 11:15.
Jubi video Ke ki Renu di Deus?
2. Ke ku manda Jesus i minjor Rei?
Fiju di Deus i minjor Rei pabia i bon i gosta di ke ki sertu. (Mateus 11:28-30) Tambi i tene manga di puder pa juda jinti, pabia i na bin guverna na seu riba di tudu tera. Dipus ki i resusitadu, i subi pa seu i bai sinta na mon direita di Jeova pa pera. (Ebreus 10:12, 13) Dipus, Deus dal puder pa kumsa guverna. — Lei Daniel 7:13, 14.
3. Ba kin ku na bin rena ku Jesus?
Un grupu comadu “pobu di ki Deus” o santus, na bin guverna ku Jesus na seu. (Daniel 7:27) Purmeru santus ku kujidu i apostulus fiel di Jesus. Te aos, Jeova kontinua na kuji omis ku minjeris fiel suma santus. Suma Jesus, e ta resusitadu ku un kurpu spiritual. — Lei Jon 14:1-3; 1 Koríntius 15:42-44.
Kantu jintis ku na bai pa seu? Jesus coma elis di “karnelsiñus.” (Lukas 12:32) Pa fin e na bin sedu 144.000. E na bin guverna tera juntu ku Jesus. — Lei Apokalipsi 14:1.
4. Ke ku akontisi oca Jesus kumsa guverna?
Renu di Deus kumsa guverna na 1914. * Purmeru kusa ku Jesus fasi suma Rei i ferca Satanas ku si dimonius pa tera. Satanas paña raiba i kumsa kausa purblemas na tera. (Apokalipsi 12:7-10, 12) Desdi ki tempu, sufrimentu di pekaduris piora ciu. Geras, fomi, duensas ku tirmidura di con fasi parti di “sinal” ku ta mostra kuma, i ka na tarda, Renu na bin toma konta di tudu asuntus di tera. — Lei Lukas 21:7, 10, 11, 31.
5. Ke ki Renu di Deus sta na fasi?
Atraves di un tarbaju di pregason ku sta na fasidu na mundu ntidu, Renu di Deus sta ja na uni manga di jintis di tudu nasons. Milyons di mansus sta na torna sidadon di Renu di Deus ku tene Jesus suma Rei. Renu di Deus na bin proteẑi elis ora ki kaba kes sistema mau di kusas na tera. Asin, tudu kilis ku misti benefisia di Renu di Deus, dibi di aprindi sedu sidadons obdienti bas di renansa di Jesus. — Lei Apokalipsi 7:9, 14, 16, 17.
Duranti 1.000 anu, Renu na bin kumpri intenson ki Deus teneba pa pekaduris. Tudu tera na bin sedu un paraisu. Pa fin, Jesus na bin ntrega Renu di volta pa si Pape. (1 Koríntius 15:24-26) Bu kunsi un algin ku bu gostaba di papia kel aserka di Renu di Deus? — Lei Salmu 37:10, 11, 29.
^ par. 6 Pa mas nformason aserka di kuma ki profesia di Biblia falaba ja di 1914, jubi paẑinas 215-218 di livru Ke ki Biblia Na Bardadi ta Sina?
