No Kriadur ma nos jiru. Suma un bon Pape, i ta kuida di nos. Tambi, i ka mistiba pa no sedu indipendenti del. (Jeremias 10:23) Suma ki un mininu pirsisa di orientason di si garandis, anos tudu no pirsisa di orientason di Deus. (Isaias 48:17, 18) Leis di Biblia ta da orientason, e sedu un prenda ki bin di Deus. — Lei 2 Timótiu 3:16.

Leis di Jeova ta sinanu minjor manera di vivi gosi, tambi e ta mostranu kuma ku no pudi ngaña labaremu di vida ku ka ta kaba na futuru. Suma Deus ki kumpunu, i normal pa no seta sigi si orientasons. — Lei Salmu 19:7, 11; Apokalipsi 4:11.

Alguns bardadi basiku di Biblia ta mostranu ke ki Deus misti pa no fasi na diferenti situasons. Leis pudi aplika na sertus situasons. (Ripitison di Lei 22:8) No dibi di usa bon juisu pa ntindi kuma ki leis ku bardadis di Biblia ta aplikadu na sertu situason. (Ditus 2:10-12) Pur isemplu, Biblia sina ki vida i un prenda ki bin di Deus. Es bardadi basiku pudi gianu na tarbaju, na kasa i ora ku no sta na viaja. I ta lebanu na toma mididas suguru. — Lei Atus 17:28.

Jesus fala di dus mandamentu mas importanti. Purmeru mostra kal ki objetivu di vida di pekadur — kunsi Deus, amal i sirbil ku fidelidadi. Purmeru mandamentu dibi di nfluensia tudu no disisons. (Ditus 3:6) Kilis ku ta vivi sugundu es mandamentu ta ngaña amizadi ku Deus, filisidadi di bardadi ku vida ku ka ta kaba. — Lei Mateus 22:36-38.

 Sugundu mandamentu pudi judanu tene un relasionamentu di pas ku utrus. (1 Koríntius 13:4-7) Aplika es sugundu mandamentu nvolvi obdisi orientason di Deus na kuma ki no dibi di trata utru jintis. — Lei Mateus 7:12; 22:39, 40.

Leis di Deus ta sina familias kuma ke pudi sedu unidu atraves di amor. (Kolosensis 3:12-14) Palabra di Deus tambi ta proteji familias atraves di nsinu basiku di bardadi ku ta gianu — kasamenti dibi di sedu pa tudu tempu. — Lei Kumsada 2:24.

Sigi nsinus di Biblia ta protejinu na asuntu di gaña sustentu tambi i ta protejinu ku pas na korson. Pur isemplu, manga di bias patrons ta prifiri tarbajaduris ku ta vivi sugundu bardadis di Biblia na asuntu di onestidadi i ku ta pega tesu na tarbaju. (Ditus 10:4, 26; Ebreus 13:18) Palabra di Deus tambi ta sinanu kontenta ku kusas ki nesesariu pa vivi, i da mas balur pa amizadi ku Deus, di ki kusas matirial. — Lei Mateus 6:24, 25, 33; 1 Timótiu 6:8-10.

Vivi sugundu leis di Deus pudi proteji no saudi. (Ditus 14:30; 22:24, 25) Pur isemplu, sigi lei di Deus aserka di ivita cami ta protejinu di duensas ki pudi mata i di asidenti. (Ditus 23:20) Jeova pirmitinu bibi biñu ma sin pasanta mon. (Salmu 104:15; 1 Koríntius 6:10) Leis di Deus ta benefisianu, i ka so pa manera ki ta sinanu proteji no asons ma tambi proteji no pensamentus. (Salmu 119:97-100) Ma, kristons di bardadi ka ta rispita normas di Deus so pa se benefisiu. E ta fasil pa pudi ngaba Jeova. — Lei Mateus 5:14-16.