Kuma ku bu pudi benefisia mas des lisons di Biblia?
Studa ku un Tustumuña di Jeova: Pidi algin ku dau es broŝura un studu di Biblia, o fasi un pididu atraves di no site jw.org.
PURMERU PARTI
Lei kada paragrafu juntu ku purguntas ku tene letras karegadu (A) i lei testus (B) ku na mostra pontus prinsipal. Nota kuma alguns testus di Biblia markadu pa “lei.”
PARTI KU STA NA METADI
Purmeru frasi (C) ku sta dipus di Aprindi Mas na splika ke ku bo na bin fala del. Subtitulus (D) na mostra kal ki pontu prinsipal. Lei testus di Biblia, ruspundi purguntas i jubi videos (E).
Jubi fotos diritu, ku ke ku skirbidu bas di fotos (F), pensa na kuma ku bu na ruspundi na parti Alguns Jintis ta Fala (G).
ULTIMU PARTI
Rusumu ku Rekapitulason (H) sta na fin di lison. Skirbi data ku bo kaba lison. Tenta fasi es (I) na mostra ke ku bu pudi fasi pa kontinua aprindi o aplika ke ku bu aprindi. Tene Mas Informason (J) na dau utrus informason ku bu misti lei o jubi.
Kuma ku bu pudi oja versikulus di Biblia
Purmeru nomi ku ta bin i livru di Biblia (A), dipus i kapitulu (B), ku versikulu o versikulus (C). Pur izemplu, Jon 17:3 na rifiri livru di Jon, kapitulu 17, versikulu 3.
