PARTI 4
Kuma ku bu pudi usa diñeru diritu?
“Ku konsiju bu planu pudi bai dianti”. — Ditus 20:18
Anos tudu no pirsisa di diñeru pa kumpra kusas ku no familia pirsisa del. (Ditus 30:8) Alen des, “diñeru i suguransa.” (Eklesiastis 7:12) Suma kasadu, talves i pudi sedu difisil papia di diñeru, ma ka bo disa diñeru tisi purblema na bo kasamenti. (Efésius 4:32) Kasadus dibi di konfia na n̈utru i pui na un son, ora ke na disidi kuma ku diñeru dibi di gastadu.
1 BO PLANIA KUMA KU BO NA USA DIÑERU
ES KI BIBLIA FALA: “Si un di bos misti kumpu kasa garandi, i ten ku sinta purmeru pa fasi konta di kil ki na gasta, pa jubi si i tene diñeru pa kabantal.” (Lukas 14:28) I bon pa bo plania juntu kuma ku bo na usa bo diñeru. (Amos 3:3) Bo disidi ke ku bo pirsisa di kumpra i kantu ku bo pudi gasta pa rel. (Ditus 31:16) Tene diñeru pa kumpra un kusa, ka signifika kuma bo dibi di kumpral. Bo tenta ivita dibida. Bo gasta so diñeru ku bo tene. — Ditus 21:5; 22:7.
KE KU BU PUDI FASI:
Si bo sobra ku diñeru na fin di mis, bo disidi juntu ke ku bo na fasi kel.
Si falensa kai bos antis di fin di mis, bo fasi planu pa rapati bo dispezas. Pur isemplu, si pusivel, labra alguns kusas ku bo na pirsisa del.
2 SEDU ONESTU I SINSERU
ES KI BIBLIA FALA: “No ta buska fasi tudu ki retu; i ka son dianti di Siñor, ma tambi dianti di jinti.” (2 Koríntius 8:21) Konta bu parseru bardadi aserka di kantu ku bu ta gaña i kantu ku bu ta gasta.
Obi sempri bu parseru ora ku bu na toma disison importanti aserka di diñeru. (Ditus 13:10) Papia aserka di diñeru na juda pa manti pas na bo kasamenti. Ka bu oja bu vensimentu suma bu diñeru di bo son, ma suma di bos dus. — 1 Timótiu 5:8.
KE KU BU PUDI FASI:
Bo disidi kantu ku kada kin na gasta sin konsulta utru.
Bo papia aserka di diñeru antis di purblema, i ka dipus di purblema.
No pensa kuma bu na gosta des tambi
NO KORDA!
Kuma di Kontrola Gastus
Ka bu pera tok bu kai na falensia pa bu kumsa pensa na manera ku bu ta usa diñeru. Aprindi kuma di kontrola gastus antis di diñeru ku bu tene bin kaba.
