Muda vulumi di vos. Omenta vulumi di vos pa distaka pontus prinsipal i motiva kilis ku na sukutau. Fasi mesmu kusa ora ku bu na lei pasaẑens di Biblia ku na fala di julgamentus. Rapati vulumi di vos pa kria spetativa, o pa spresa medu o preokupason.

Muda ton di vos. Si i ta fasidu na bu lingua, omenta ton di vos pa mostra alegria, tamañu o distansia. Rapati ton di vos pa spresa tristesa o preokupason.

Muda ritmu di vos. Papia mas rapidu pa spresa alegria. Papia mas lentu ora ku bu na distaka pontus importanti.